Mateo 17:6 - Anang Ambal Ang Dios – Bago Nga Katipan

⁶ Pagkabati dato nanday Pedro nagdapa sanda sa sugung nga kaadluk.

Mateo 17:6 Referans Kwoze

2 Pedro 1:18

Dia nga ambal nga alin sa langit nabatian namun ang kami kaiban ni Jesus doto sa balaan nga bokid.

Mga Binoatan 26:14

Natomba kami tanan sa logta. Pagkatapos may nabatian ako dayon nga limug nga nagambal kanakun sa Hebreo nga ambal. Makon, ‘Saulo, Saulo! Basi ginaingabot mo ako? Ginasilotan mo lang imong kaogalingun ay sa imong ginaimo nga dan pario lang sa nagasipa kaw sa matarawis nga kaoy.’

Mga Binoatan 22:7

Natomba ako sa logta kag may nabatian ako nga limug nga nagakoon kanakun, makon, ‘Saulo, Saulo! Basi ginaingabot mo ako?’

Mateo 17:5

Ara tana pa katapos anang ambal nga dato ginlikupan sanda ang panganod nga masilaw kag nabatian nanda dayon ang limug nga alin sa panganod nga nagakoon, “Maman dia akun pinalangga nga Bata. Nalilipay ako nga mayad kanana. Pamatian nindo tana!”

Mateo 17:7

Ginrapitan sanda ni Jesus kag gintandug nga nagakoon, “Tindug kamo! Indi kamo magkaadluk!”