Mateo 13:15 - Anang Ambal Ang Dios – Bago Nga Katipan

¹⁵ Tungud nga nagturugas anang olo ang mga tao nga dia, kag indi magpati. Gintabonan nanda andang mga talinga, Kag ginpuyung nanda andang mga mata. Ay sabun makakita sanda kag makabati, Kag maintindian kag magliso dayon kanakun, Kag ayadun ko sanda.’

Mateo 13:15 Referans Kwoze

Marcos 4:12

agud nga, Sigi andang sulung piro indi sanda makakita, Kag sigi ra andang pamati piro indi sanda ra makaintindi, Ay kon andang maintindian, mainulsul sanda kag patawadun sanda ang Dios.”

Hebreo 5:11

Doro pa andan amun inogsogid kanindo parti sa anang pagkapari ni Melquisedec kag ni Jesus, garing mabudlay ipaatag kanindo tungud nga mabudlay kamo paintindiun.

2 Timoteo 4:4

Indi sanda run magpamati sa kamatoodan, kondi sa mga panodlo lang nga ginimo-imo ang mga tao.

Mga Binoatan 7:57

Nagsiringgit anang mga mimbro ang konsilyo kag gintakupan nanda andang mga talinga agud indi nanda mabatian anang ginaambal ni Esteban. Kag nagdaragoyon sanda dayon paayan kanana.

Apokalipsis 22:2

kag nagailig sa tunga anang karsada ang siodad. Sa anang binit magtimbang ang suba may kaoy nga nagataw kaboi nga nagapamonga dosi ka bisis sa sulud sangka toig, kaisara kada bolan. Kag anang daon ginagamit nga bolong para sa tanan nga mga tao.

Mga Binoatan 3:19

Gani dadi, kinanglan magirinulsul kamo ron kag magparapit sa Dios agud patawadun na kamo sa indong mga sala,

Lucas 19:42

Makon na, “Kon naulaman nindo lang andan dadi kon ano ang makakataw kanindo ang kalinung! Garing natabonan lang indong pagangup.

Mga Binoatan 28:27

Tungud nga matugas anang olo ang mga tao nga dia, Ginatakupan nanda andang mga talinga, Kag ginpuyung nanda andang mga mata. Ay kon indi, makakikita sanda ra andan kag makababati, Kag maiintidian nanda kon ano ang osto, Kag magaliso kanakun, Kag ayadun ko sanda.’ ”