Lucas 9:28 - Anang Ambal Ang Dios – Bago Nga Katipan

²⁸ Mga walo ka adlaw pagkatapos nga maambal na dia, gindara na si Pedro, si Juan, kag si Santiago patokad sa bokid agud magpangamoyo.

Lucas 9:28 Referans Kwoze

Lucas 6:12

Sa mga inadlaw nga dato may bisis nga si Jesus nagtokad sa may bokid agud magpangamoyo, kag sang gabi gid anang pangamoyo doto.

Lucas 9:18

May adlaw nga nagpabulag si Jesus sa mga tao agud magpangamoyo. Anang mga somolonod kaiban na ra. Karon nagpamangkot si Jesus kananda, makon na, “Sono sa mga tao, sino ako kono?”

Lucas 8:51

Pagabot nanda sa anang balay ni Jairo ara na pagtogoti ang iba nga magtabid kanana sa sulud loas kanday Pedro, Juan, kag Santiago, kag anang tatay kag nanay ang bata.

Marcos 6:46

Kag pagkatapos nga makaalin ang mga tao nagtokad tana sa bokid agud magpangamoyo.

Marcos 1:35

Ang madason nga adlaw, madulumdulum pa, nagbangon si Jesus kag nagayan sa logar nga ara tao kag nagpangamoyo.

Hebreo 5:7

Ang digi pa si Jesus, nagpangamoyo tana kag nagpanangis gid nga mayad nga nagapakitloy sa Dios nga sarang makalowas kanana sa kamatayun. Kag tungud nga tana mapainubusun kag matinomanun ginsabat ang Dios anang pangamoyo.

2 Corinto 13:1

Maman run dia ang maging ikatlo nga akun pagayan dian kanindo. Nagakoon ang Kasolatan nga kon may bintang ang isara kontra sa isara dapat may darwa okon tatlo ka tistigo.

Lucas 3:21

May adlaw nga nagapangbunyag si Juan sa mga tao kag si Jesus nagpabunyag ra kanana. Pagkatapos, mintras nagapangamoyo si Jesus, nagabri ang langit

Mateo 5:1

Pagkakita ni Jesus sa doro nga mga tao nagtokad tana sa bokid kag nagpongko doto. Anang mga somolonod nagparapit kanana

Mateo 14:23

Kag pagkatapos nga makapanaw ang mga tao nagtokad tana sa bokid nga tana lang agud magpangamoyo. Nagabian tana doto.

Lucas 5:16

Piro anang ginimo tana ni Jesus, nagayan tana sa logar nga ara tao kag nagpangamoyo.

Juan 6:3

Nagtokad si Jesus kag anang mga somolonod sa bokid kag nagporongko doto.

2 Pedro 1:16

Amun ginsogid kanindo parti sa anang gaum atun Ginoong Jesu-Cristo ang digi tana pa sa kalibotan bukun mga sogid-sogid nga ginimo-imo ang mga pilosopo nga tao, kondi nakita namun gid mismo anang gaum nga alin sa Dios.