Lucas 6:12 - Anang Ambal Ang Dios – Bago Nga Katipan

¹² Sa mga inadlaw nga dato may bisis nga si Jesus nagtokad sa may bokid agud magpangamoyo, kag sang gabi gid anang pangamoyo doto.

Lucas 6:12 Referans Kwoze

Hebreo 5:7

Ang digi pa si Jesus, nagpangamoyo tana kag nagpanangis gid nga mayad nga nagapakitloy sa Dios nga sarang makalowas kanana sa kamatayun. Kag tungud nga tana mapainubusun kag matinomanun ginsabat ang Dios anang pangamoyo.

Marcos 6:46

Kag pagkatapos nga makaalin ang mga tao nagtokad tana sa bokid agud magpangamoyo.

Marcos 1:35

Ang madason nga adlaw, madulumdulum pa, nagbangon si Jesus kag nagayan sa logar nga ara tao kag nagpangamoyo.

Colosas 4:2

Magpangamoyo kamo pirmi nga may pagpasalamat, kag mintras nagapangamoyo kamo bantayan nindo indong ginaisip.

Mateo 6:6

Piro kamo tana, kon kamo magpangamoyo, magsulud kamo sa indong koarto kag magpanirado. Kag doto kamo magpangamoyo sa indong Tatay nga sa langit nga indi makita. Kag indong Tatay nga nakakakita indong ginaimo sa sikrito maman ang magabalus kanindo.

Mateo 5:1

Pagkakita ni Jesus sa doro nga mga tao nagtokad tana sa bokid kag nagpongko doto. Anang mga somolonod nagparapit kanana

Marcos 3:13

Pagkatapos dato, nagtokad si Jesus sa bokid kag gintawag na anang mga gosto nga piliun. Gani nagparapit sanda kanana.

Lucas 5:16

Piro anang ginimo tana ni Jesus, nagayan tana sa logar nga ara tao kag nagpangamoyo.

Lucas 6:11

Kag tungud sa anang ginimo nga dia ni Jesus nagpaugut ang mga manogtodlo ang Kasogoan kag ang mga Pariseo, gani ginarambalan nanda kon ano andang imoon kay Jesus.

Lucas 6:17

Pagkatapos nga tana nakapili run anang mga apostolis, naglusub sanda sa patag. Nagtiripon doto anang mga somolonod kag doro pa gid nga mga tao nga alin sa mga banwa nga sakup ang Judea kag sa siodad ang Jerusalem. May mga tao ra doto nga alin pa sa siodad ang Tiro kag Sidon nga marapit sa dagat.

Lucas 9:18

May adlaw nga nagpabulag si Jesus sa mga tao agud magpangamoyo. Anang mga somolonod kaiban na ra. Karon nagpamangkot si Jesus kananda, makon na, “Sono sa mga tao, sino ako kono?”

Lucas 9:28

Mga walo ka adlaw pagkatapos nga maambal na dia, gindara na si Pedro, si Juan, kag si Santiago patokad sa bokid agud magpangamoyo.

Lucas 9:29

Mintras nagapangamoyo tana nagiba anang oyaun, kag anang lambong nagpoti gid nga mayad kag masolaw.

Juan 6:3

Nagtokad si Jesus kag anang mga somolonod sa bokid kag nagporongko doto.