Lucas 4:29 - Anang Ambal Ang Dios – Bago Nga Katipan

²⁹ Nagtirindug sanda kag gingoyod nanda si Jesus pagoa sa banwa paayan sa timpas (ay andang banwa sa ibabaw ang bokid mismo). Gosto nanda nga iboslog si Jesus doto.

Lucas 4:29 Referans Kwoze

Juan 8:59

Tungud sa anang ginambal nga dato ni Jesus nagporot sanda bato agud pasilun tana. Garing nagpanliut-liut si Jesus kag nagalin doto sa timplo.

Hebreo 13:12

Dan toladan ra gid ang natabo kay Jesus tungud nga doto tana ginpatay sa goa ang banwa, agud paagi sa anang dogo malimpyoan na ang mga tao sa andang mga sala.

Juan 8:40

Piro indong ginaimo tana, ginaimoratan nindo nga patayun ako, bisan ara ako may ginimo kondi nagsogid ako ra lang kanindo ang kamatoodan nga akun nabatian sa Dios. Ara gid kaimo si Abraham pario indong ginaimo.

Juan 8:37

Naulaman ko nga kamo anang mga kaliwat ni Abraham, garing ginaimoratan nindo ako nga patayun tungud nga indi nindo gosto akun mga panodlo.

Lucas 4:28

Pagkabati dato ang mga tao nasilag sanda gid nga mayad.