Lucas 2:47 - Anang Ambal Ang Dios – Bago Nga Katipan

⁴⁷ Ang tanan nga nagaparamati kanana natingala gid sa anang mga naulaman kag mga sabat.

Lucas 2:47 Referans Kwoze

Mateo 7:28

Pagkatapos ambal ni Jesus parti sa mga butang nga dato, natingala nga mayad ang mga tao

Lucas 4:32

Natingala nga mayad ang mga tao sa anang mga panodlo tungud nga may awtoridad tana kon magambal.

Juan 7:15

Natingala nga mayad anang mga manogdomara ang mga Judio, makon nanda, “Sa diin kabay nakabuul anang kinaaraman ang tao nga dia? Ara tana gani kaiskoila.”

Marcos 1:22

Natingala nga mayad ang mga tao nga nakabati kanana tungud nga nagtodlo tana nga may awtoridad, kag bukun pario sa mga manogtodlo ang Kasogoan.

Juan 7:46

Makon ang mga goardya, “Dadi kami lang gid nakabati sa tao nga nagaambal toladan.”

Lucas 4:22

Kag gindayaw tana ang tanan. Midyo indi sanda makapati nga makasaysay tana ang toladato kasadya. Makon nanda, “Kabay anang bata ra lang dan ni Jose.”

Mateo 22:33

Pagkabati dato ang mga tao natingala sanda sa anang mga panodlo.

Marcos 6:2

Pagabot ang Adlaw nga Inogpaway nagtodlo tana sa anang simbaan ang mga Judio. Dorong tao doto ang nakabati kanana kag natingala sanda nga mayad. Makon nanda, “Basi doro anang naulaman ang tao nga dia? Sa diin tana kabay nakabuul anang kinaraman? Kag basi nakakaimo tana ang mga milagro?

Marcos 11:18

Anang ginimo nga dato ni Jesus nabatian ang mga manogdomara nga mga pari kag mga manogtodlo ang Kasogoan. Gani nagpangita sanda paagi agud patayun tana. Garing naadlukan sanda ra kanana ay ang mga tao tana naliliag sa anang panodlo.

Lucas 2:46

Ang ikatlo ron ka adlaw bago nanda tana nakita doto sa timplo nga nagapongko kaiban ang mga manogtodlo ang Kasogoan. Nagapamati tana kag nagapamangkot kananda.

Lucas 2:18

Natingala nga mayad ang tanan nga nakabati sa anang ginbarita ang mga manogbantay ang mga karniro.