Juan 5:38 - Anang Ambal Ang Dios – Bago Nga Katipan

³⁸ Gani indi nindo pagbatonon anang ambal, tungud nga indi kamo magpati kanakun nga anang ginpadara.

Juan 5:38 Referans Kwoze

1 Juan 2:14

Ginasolatan ko kamo nga akun mga bata, ay kilala nindo ron ang Dios nga Amay. Kamo nga mga malam ginasolatan ko tungud nga tana kilala nindo ron, tana nga bago magompisa ang tanan dian run nga lagi. Nagasolat ako ra kanindo nga mga bataun pa, ay kamo mabakud sa indong pagtoo. Anang ambal ang Dios ginatoman nindo kag napirdi nindo ron si Satanas.

Juan 15:7

Kon kamo indi magpabulag kanakun kag ginatipigan nindo sa indong mga tagiposoon akun mga panodlo, makapangayo kamo kanakun bisan ano indong gosto, kag dan mababaton nindo.

Juan 8:37

Naulaman ko nga kamo anang mga kaliwat ni Abraham, garing ginaimoratan nindo ako nga patayun tungud nga indi nindo gosto akun mga panodlo.

Juan 1:11

Nagayan tana sa anang mga kasimanwa mismo, piro ang kalabanan sa anang mga kasimanwa ara nagbaton kanana.

Colosas 3:16

Kabay pa nga itanum nindo nga mayad sa indong isip anang mga ambal ni Cristo. Magtorodloan kamo kag magparaandaman sa isara kag isara sono sa kaaram nga ginataw ang Dios kanindo. Magkanta kamo ang mga kanta nga nagadayaw sa Dios, nga may tinagiposoon nga pagpasalamat kanana.