Juan 20:28 - Anang Ambal Ang Dios – Bago Nga Katipan

²⁸ Makon ni Tomas kay Jesus, “Ginoo ko kag Dios ko!”

Juan 20:28 Referans Kwoze

Juan 1:1

Ang ona pa nga lagi, bago imoon ang kalibotan, dian run ang ginatawag nga Ambal ang Dios. Ang Ambal nga dato kaiban ang Dios, kag ang Ambal Dios mismo.

1 Timoteo 3:16

Ara doda nga makatiringala gid matood ang mga kamatoodan atun riliyon: Tana nagpakita digi bilang tao, Ang Ispirito Santo nagpamatood nga tana matarung, Nakita tana ang mga angil, Ginwali sa kalibotan, Gintooan ang mga tao, Kag gindara pabalik sa langit.

Mateo 14:33

Kag ginsimba tana ang mga tao sa sakayan, makon nanda, “Matood ra gid nga ikaw anang Bata ang Dios.”

Juan 5:23

agud ang tanan magpadungug sa Bata pario andang pagpadungug sa Amay. Gani ang ara nagapadungug kanakun ara ra nagapadungug sa Amay nga nagpadara kanakun.

Lucas 24:52

Ginsimba nanda tana kag pagkatapos malipayun sanda nga nagbalik sa Jerusalem.

Juan 20:16

Makon ni Jesus kanana, “Maria!” Nagliso si Maria kag nagatobang kay Jesus, kag makon na sa ambal nga Hebreo, “Rabboni!” (Kon kanatun pa, “Manogtodlo”.)

Juan 20:31

Piro ang mga nasolat sa libro nga dia ginsolat agud magtoo kamo nga si Jesus manda ang Cristo nga anang Bata ang Dios. Kag kon magtoo kamo kanana may kaboi kamo nga ara kataposan.

Juan 20:27

Kag makon na dayon kay Tomas, “Tomas, dali, sulunga run akun alima kag tanduga akun igad. Goroan ra dayon imong alima sa akun kilid. Indi ka run magdoda, kondi magtoo kaw.”

Juan 20:29

Makon dayon ni Jesus, “Ta nagatoo ka run dadi ay nakita mo ako? Piro mas masoirti ang mga tao nga nagatoo kanakun bisan ara nanda ako makita.”