Hebreo 5:8 - Anang Ambal Ang Dios – Bago Nga Katipan

⁸ Kag bisan tana anang Bata mismo ang Dios, natonan na ang osto nga pagsonod paagi sa mga pagantos nga anang naagian.

Hebreo 5:8 Referans Kwoze

Filipos 2:8

Ang naging tao tana run, nagpaubus tana anang kaogalingun kag naging matinomanun bisan sa kamatayun sa kros.

Juan 4:34

Makon dayon ni Jesus kananda, “Akun pinakapagkaun ara iba kondi nga tomanun ko anang kabubutun ang Dios nga nagpadara kanakun digi kag taposon anang ginapaimo kanakun.

Juan 15:10

Kon ginatoman nindo akun mga sogo, padayon akun pagigogma kanindo. Pario ra dia kanakun nga nagatoman anang sogo akun Tatay kag nagapadayon anang pagigogma kanakun.

Juan 6:38

Ay nagayan ako digi alin sa langit agud sonodon ko anang kabubutun ang Amay nga nagpadara kanakun. Ara ako nagayan digi agud imoon akun kaogalingun nga kabubutun.

Hebreo 3:6

Piro si Cristo tana masarigan bilang Bata nga ginpiaran anang pamilya ang Dios. Kag kita anang pamilya ang Dios, kon nagapadayon kita nga matutum sa atun paglaum nga atun ginapabogal, nga may mayad kita nga paraaboton.

Hebreo 1:8

Piro kon parti tana sa anang Bata, makon na, “Imong ginarian, O Dios, ara gid kataposan, Kag matarung imong pagdomara sa imong ginarian.

Hebreo 1:5

Ay ara gid angil nga ginkonan ang Dios nga, “Ikaw akun Bata, Kag dadi ipakilala ko nga ako imong Tatay.” Kag ara ra nagkoon ang Dios parti sa bisan kino nga angil nga, “Ako maging anang Tatay, kag tana maging akun Bata.”

Mateo 3:15

Piro makon ni Jesus kanana, “Sigi lang, tungud nga maman dia ang dapat ta nga imoon agud matoman anang gosto ang Dios.” Gani nagpasogot si Juan kag ginbunyagan na si Jesus.

Hebreo 1:2

Piro ang ori nga dia nga mga adlaw, nagambal tana kanatun paagi sa anang Bata mismo. Paagi kanana ginimo ang Dios ang bilog nga kalibotan kag tana ra anang ginpili nga maging tagya ang tanan nga mga butang.

Juan 10:18

Ara may makapatay kanakun kon indi ko itogot. Piro ginabolontad ko akun kaboi. Pagosto ako sa pagbolontad akun kaboi, kag pagosto ako ra kon bawiun ko. Maman dia anang koon ang Amay kanakun.”