Efeso 6:1 - Anang Ambal Ang Dios – Bago Nga Katipan

¹ Kamo nga mga bata, tomanun nindo indong mga ginikanan, ay dia dapat gid man nga imoon bilang matood nga Kristiano.

Efeso 6:1 Referans Kwoze

1 Timoteo 5:4

Piro kon ang balo may mga bata okon mga apo, dia sanda ang dapat magasikaso kanana. Ay kon sanda diosnon matood, primiro nanda nga obligasyon ang pagbalus kag pagasikaso sa andang mga ginikanan kag mga olang. Ay dia nagataw kalipay sa Dios.

Roma 12:2

Indi kamo magsonod sa anang ogali ang mga tao digi sa kalibotan nga dia. Indong imoon tana, togoti nindo ang Dios nga bagoon na indong isip, agud maulaman nindo anang kabubutun ang Dios — kon ano ang mayad kag osto kag kon ano gid anang gosto.

Roma 7:12

Ang Kasogoan sa Dios nagalin, kag ang tanan nga toromanun sa Kasogoan kanana nagalin, gani matarung, osto, kag mayad.

Lucas 2:51

Kag nagtabid run da lang si Jesus sa anang mga ginikanan paoli sa Nazaret, kag naging matinomanun tana nga bata. Dia tanan nga mga butang gintipigan ni Maria sa anang tagiposoon.

1 Pedro 2:13

Tungud sa Ginoo, magpasakup kamo sa tanan nga tao nga may awtoridad sa banwa, maging sa Impirador nga maman ang may pinakamataas nga awtoridad,

1 Corinto 15:58

Gani, mga pinalangga ko nga mga kabogto kay Cristo, magpakabakud kamo kag indi gid maglingkang sa indong pagtoo. Magpakatandus kamo sa anang ginapaimo kanindo ang Ginoo, ay naulaman nindo ra nga indong mga pagpangabudlay para sa Ginoo mapopolosan ra gid.

Roma 16:2

Batona nindo tana ay tana sa Ginoo ra kag maman da gid dan ang dapat nga imoon anang mga bata ang Dios. Boligan nindo tana ra sa anang mga kinanglan, ay doro anang naboligan. Ako gani naboligan na ra.