1 Juan 3:14 - Anang Ambal Ang Dios – Bago Nga Katipan

¹⁴ Naulaman ta nga ang ona patay kita sa panulung ang Dios, piro dadi may kaboi kita run nga ara kataposan tungud nga ginaigogma ta atun kapario. Ang ara nagaigogma sa anang kapario patay pa ra gid sa anang panulung ang Dios.

1 Juan 3:14 Referans Kwoze

1 Juan 5:2

Kag naulaman ta nga ginaigogma ta anang mga bata ang Dios kon kita nagaigogma sa Dios kag nagatoman sa anang mga sogo.

Juan 13:35

Kon kamo nagairigogmaan, dian maulaman ang tanan nga kamo akun mga somolonod manda.”

1 Tesalonica 4:9

Karon, kon parti sa pagirigogmaan bilang magkarabogto kay Cristo, indi run kinanglan nga solatan namun kamo pa, ay ang Dios mismo ang nagtodlo kanindo nga magirigogmaan kamo.

Juan 5:24

“Ang matood tana, ang tao nga nagatoman akun mga ambal kag nagatoo sa nagpadara kanakun may kaboi nga ara kataposan. Indi tana run pagsilotan tungud nga anang kalag nakalibri run sa kamatayun kag may kaboi run nga ara kataposan.

1 Pedro 1:22

Kag tungud nga kamo nagasonod ron sa kamatoodan, limpyo kamo ron sa indong mga sala. Gani may matood kamo ron nga pagigogma sa indong kapario nga mga tomoloo. Kabay pa nga magirigogmaan kamo ang tuduk gid sa indong tagiposoon,

Mateo 25:40

Kag ako nga Ari masabat, ‘Sa matood tana, kon ano indong ginimo sa akun mga kabogto bisan sa pinakakubus sa panulung ang mga tao, ginimo nindo dan kanakun.’

Hebreo 13:1

Magpadayon kamo nga magirigogmaan bilang magkarabogto kay Cristo.

Juan 15:12

Dagi akun sogo kanindo: magirigogmaan kamo pario akun pagigogma kanindo.

1 Juan 4:12

Ara pa gid tao nga nakakita sa Dios. Piro kon kita nagairigogmaan, ang Dios nagapabilin digi kanatun kag anang gogma nakokomplito kanatun.

1 Juan 3:23

Kag anang sogo maman dia: magtoo kita sa anang Bata nga si Jesu-Cristo, kag magirigogmaan kita sono sa anang sogo ni Cristo kanatun.

1 Pedro 3:8

Karon, dagi akun bilin kanindo nga tanan: dapat magparario kamo sa indong ginaisip kag sa indong baratyagun. Magirigogmaan kamo bilang magkarabogto. Magmalolo kamo kag magpaubus sa isara kag isara.

Colosas 1:4

Ay nabaritaan namun nga mabakud indong pagtoo kay Cristo Jesus kag mabaul indong pagigogma sa tanan nga mga tomoloo.

Efeso 1:15

Gani pagkabati ko parti sa indong pagtoo kay Ginoong Jesus kag sa indong gogma sa tanan nga mga bata ang Dios,

1 Juan 5:13

Dia ginasolat ko kanindo nga nagatoo sa anang Bata ang Dios agud maulaman nindo gid nga kamo may kaboi run nga ara kataposan.

Juan 15:17

Gani akun sogo kanindo maman dia: magirigogmaan kamo.”

1 Juan 2:3

Nasisigoro ta nga kilala ta ang Dios kon ginatoman ta anang mga sogo.

2 Pedro 1:7

sa pagkadiosnon, ang pagigogma sa atun kabogto; kag sa pagigogma sa atun kabogto, ang pagigogma sa tanan.

Efeso 2:5

Bisan patay kita sa anang panulung tungud sa atun mga sala ginboi na kita kaiban ni Cristo. (Gani paagi lang sa anang kalooy ang Dios nalowas kita.)

2 Corinto 5:1

Atun lawas nga dia dadi, anang kaalimbawa pario sa balay nga atun ginaolian mintras digi kita sa kalibotan. Gani ara bali kanatun kon mapatay atun lawas nga dia. Ay naulaman ta nga may itaw ang Dios kanatun nga bagong lawas nga atun olian doto sa langit. Dia bukun basta tao ang nagimo kondi ang Dios, kag indi run gid mapatay asta kon sano.

Efeso 2:1

Ang ona patay kamo sa panulung ang Dios tungud sa indong mga pagsoway kag mga sala.

Galacia 5:22

Piro dagi tana ang nakikita sa kaboi ang tao kon ang Ispirito Santo maman ang nagakontrol kanana. Tana maigogmaun, malipayun, malinung anang kaboi, mainantoson, malolo, mayad anang kabubutun, masarigan,

Lucas 15:32

Dapat magkalipay kita, ay dati ginbilang ta nga patay run imong libayun nga dia, piro dadi naboi tana. Nadora tana piro dadi nakita run.’ ”

Lucas 15:24

Tungud nga ginbilang ko nga patay run akun bata nga dia, piro dadi naboi. Nadora tana piro dadi nakita run.’ Kondi nagompisa sanda run ang pangalipay.

Lucas 7:5

Palangga na kita nga mga Judio kag nagpatindug tana pa gani ang simbaan para kanatun.”