San Mateo 9:11 - Manityanati Tupax

¹¹ Axɨmanuma fariseos, naukiche astaimia axɨna sane ñankitioma pɨnanaki axɨmanuma nesaxti apóstoles: –¿Kausane uiti maniki aubesa maestro basoti ichepe axɨbama bakaɨburuma monixh ichepemaintyo axɨbama chuxiampɨ nisɨborikixhimia?

Manitanati Tuparrü

¹¹ Pero arrümanuma fariseorrü nauquiche arrtaimia arrüna sane, ñanquitioma pünanaqui bama ñanunecasarrti Jesús sane: —¿Causane aati maniqui aubesa maestro ichepe bama mayacobraca impuestorrü y arrübama tarucu nomünantü uimia?

San Mateo 9:11 Referans Kwoze

San Mateo 11:19

Auki kuatati Aɨtoxti ñoñɨnx, naki basoti chabotityo, axaño amukanaño ɨmoti taruku niyakaxti chabo'oxtityo, ityurapata axɨbama chuxiampɨ nɨrixhimia axɨbamaintyo bakaɨburuma monixh ɨmo Roma. Tapɨ axɨna ñapanaunkuxti Tupax tusiankana oboi nanaiña axɨba omixhante.”

San Lucas 5:30

Tapɨ axɨmanuma fariseos ichepe axɨmanuma manunekanama bakɨpukux uiti Moisés axɨbama chepe ñapanaunkuxɨma ɨnantɨ ɨmoma axɨna sane isamutema axɨbama apóstoles. Namatɨ ɨmoma: –¿Kausane axaño aubaka auchakaityo ichepe axɨbama bakaɨburuma monixh axɨbamaintyo chuxiampɨ nisɨborikixhimia?

San Marcos 2:16

Axɨmanuma manunekanama bakɨpukux uiti Moisés, axɨbama fariseos, naukiche asaramati Jesús basoti ichepema, ñankitioma pɨnanakimia axɨmanuma nesaxti apóstoles: –¿Kausane axti maniki manunekanati aume basoti ichepe axɨbama bakaɨburuma monixh axɨbamaintyo chuxiampɨ nisɨborikixhimia?

Hebreos 5:2

Tyopiki axti maniki sacerdote tusiutyo ɨmoti ta ane makokotox ɨmoti, sane naukiche pukɨrusuti tyakuma axɨbama champɨ nipiakaxɨma axɨbamaintyo ane nomɨnantɨ uimia.

Gálatas 2:15

Axoñɨ axɨbama judíos aukiapae maɨbo usaka iku kɨx, chɨtakanapɨ axɨbama chikokoropɨmati Jesús.

San Lucas 19:7

Ui axɨna sane astaimia, namanaiña ɨnantɨ ɨmoma axɨna isamutenti Jesús, namatɨ ta sɨrotitɨ sɨsioti au nipoxti naki chuxiampɨ nisɨborikixhti.

2 Juan 1:10

Axtɨ anati naki sɨrotitɨ asarati año chɨmanunekanatipɨ aume axɨna sane, tapɨ apasukiukati au naupo tapɨ apankikia ɨmoti.

San Mateo 5:46

Tyopiki axtɨ axaño kuasɨrɨma aume axɨbamantai uxia uimia aume, ¿isane toxiobo aume ityobo? Tyopiki saneityo isamutema axɨbama bakaɨburuma monixh ɨmo Roma.

San Mateo 9:10

Au axɨmanu nanenes tɨkañe, anankati Jesús basoti au taman pox, iñataimia akamanu sɨrɨmanama axɨmanuma bakaɨburuma monixh ɨmo Roma, ichepe axɨbamaintyo makiataka chuxiampɨ nisɨborikixhimia, tɨmonsoma akamanu ichepeti Jesús nauki a'ama Ichepe axɨmanuma nesaxti apóstoles.

Hechos 11:3

Ñankitioma pɨnanakiti: –¿Kausane arioxɨkɨ asarama axɨmanuma chɨtɨpɨ judíos, akaityo nipemakaxɨma ichepema?