San Mateo 8:9 - Manityanati Tupax

⁹ Tyopiki axɨñɨntyo yaka ikiana bakɨpukuka auki ape, abomaintyo masortaboka ɨmo nixhakɨpuku. Axtɨ sukanañɨ ɨmoti taman akosi, sɨrotitɨ. Sukanañɨintyo ɨmoti kiatax ariaku, kuatati. Axtɨ ikɨpukatityo isumanakata ane yachɨkoiti, isamutenti.

Manitanati Tuparrü

⁹ Itopiqui arrüñü ito yaca ümo yacüpucu bama manrrü ane nüriacarrüma rropünanaqui, tacana arrüna nisüriaca ümo bama niyesa soldadorrü. Arrtü rracüpuca ümoti taman uturuquimia, sürotitü. Arrtü itasucati quiatarrü, cuati. Arrtü rracüpuca ümoti imoso na aisamunenti arrümanu isane nirrantümo, isamutentito.

San Mateo 8:9 Referans Kwoze

Tito 2:9

Anuneka ɨmoma axɨbama baserebioma ɨmoti kiatax tari akokonauma au nanaiña ɨmoma axɨbama ɨmoche aserebimia. Tari makumananaunxɨma tapɨ asioma aiñumuma axtɨ kuasoma.

Colosenses 3:22

Axaño axɨbama makumanakaka, apakokonau ɨmo nanaiña yakɨpukuxɨma axɨbama ɨmoche apaserebikia auna iku axɨna kɨx. Tapɨ apisamute sane axtɨ asaramatɨ aume. Ta apisamuse nanaiña auki nabausasɨ tyopiki napanaunku ɨmoti Yɨriabux Jesús.

San Lucas 7:8

Tyopiki axɨñɨntyo yaka ikiana bakɨpukuka auki ape, abomaintyo masortaboka ɨmo nixhakɨpuku. Axtɨ sukanañɨ ɨmoti taman akosi, sɨrotitɨ. Axtɨ sukanañɨ ɨmoti kiatax ariaku, kuatati. Axtɨ ikɨpukatityo naki isunaunkusu ane yachɨkoiti, isamutenti.”

San Lucas 4:39

Axti Jesús matakonokonoti asaraiti auki makuansomokonoti ɨmo axɨmanu pakɨtaixh, axɨmanu pakɨtaixh isiukai sɨrotɨ kɨtɨpɨki. Auki, atɨrai asuriuruma.

San Mateo 8:8

Axti maniki ɨriatu masortaboka aiñunuti: –Yɨriabux, chɨkoñopɨtɨ iñemo ayetɨpo au nipo. Akɨpuatai nauki uxianati tato naki isumanakata. Akɨpuatai ɨmo noxokox nauki aɨrotɨ pɨnanakiti, nauki uxianati tato.

San Mateo 8:10

Kɨtobɨsoti Jesús naukiche onkoiti axɨna sane, nanti ɨmo axɨmanuma nesaxti apóstoles: –Ñemanauntu sukanañɨ aume champɨti naki isuputakati au nanaiña Israel takanati naki ñoñɨnx taruku ñakokonaunkuxti.

San Marcos 1:27

Namanaiña kɨtobɨsoma, ñankitioma pɨnanakimiantoe: –¿Isane axɨna sane? ¡Aɨbo axɨna sane ñanunekakaxti, aɨbu niriakaxti! ¡Axtɨ bakɨpuruti ɨmo machoboreka, ikokoromati!

San Lucas 9:1

Auki oberabarama uiti Jesús axɨmanuma doce nesaxti apóstoles, toxio uiti ɨmoma axɨna ane uiti takanaintyo ɨriakaboma nauki akaɨbuma aruki namanaiña machoboreka yakɨna uxiankama tato uimia axɨbama maunxokono.