San Mateo 7:7 - Manityanati Tupax

⁷ “Apanki pɨnanakiti Tupax, ityoximiatati aume. Axtɨ apapacheka, ane tabɨko aboi. Apiyotobai tyurux, aurɨbo aume.

Manitanati Tuparrü

⁷ ‛Arrtü ane isane naurriantümo apanqui pünanaquiti Tuparrü, arrti caüma bayurarati aume. Apapache y tabüco aboi. Apiyotobaita tururrü, aurübo aume.

San Mateo 7:7 Referans Kwoze

San Mateo 21:22

Nanaiñaintyo axtɨ axaño, ameanka, apankisio aɨbu napakokonaunku, toxio aume.

1 Juan 3:22

Ityoximiatatityo oemo nanaiña axɨna mankitio pɨnanakiti, tyopiki uikokota yakɨpukuxti, uisamutentyo axɨna uxia ɨmoti.

San Juan 15:7

“Axtɨ abasikia ichepeñɨ axtɨtyo chɨtakɨrusupɨ napakionko iyo nixhanunekaka, apankisio axɨna nauxiantɨmo toxio aume.

San Marcos 11:24

Sane naukiche sukanañɨ aume nanaiña axɨna apankitio auki nameanka, apikoko ta tiyebo aboi, ta apasutiu ñana.

San Mateo 6:33

Sane naukiche, apapachesio nɨriakax auki napes apisamuse axɨna uxia sukarɨti Tupax, auki toxio aume nanaiña axɨna nauxiantɨmo.

San Mateo 7:8

Tyopiki axti naki mankioti, toxio ɨmoti nixhantɨmoti. Axti naki bapacheroti ane nikoñonaunxti. Tapɨti naki iyotobaitati tyurux, aurɨbo kɨmenuti.

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

Hebreos 11:6

Chuxiampɨ ɨmoti Tupax axtɨ chuikokokatipɨ, nauki apukɨnuti Tupax ukuata uikokora ta anati sɨborikoti, ane toxiobo uiti ɨmoma axɨbama yapacherioromati.

San Juan 4:10

Aiñumuti Jesús nurax: –Axtɨ asuputakaipɨ axɨna ñakumanataxti Tupax, ñakutityo naki mankioti tux apɨnanakikɨ, axɨpɨkɨ ankikia pɨnanakiti, toxiopɨ kaɨma aemo uiti axɨna tux sɨboriko.

San Mateo 18:19

“Sukanañɨ aume axɨna sane: Axtɨ toxɨma abaxɨpekuki chepe ñakionkoxɨma iku axɨna kɨx nauki ankimia au neankaxɨma, naki Iyaɨ anati au napes toxio uiti ɨmoma.

Santiago 5:15

Axtɨ meaboma aɨbu ñakokonaunkuxɨma ɨmoti Tupax auki neankaxɨma, axti maniki maunxokono uxiankati tato, axtɨ ane nipɨnatenti, xhimiakanaintyo tato nomɨnantɨ uiti.

San Lucas 18:1

Urapoiti Jesús taman machepekatax isukarɨma nauki anunekati ɨmoma eama nantax, tapɨ ubata ɨmoma.

San Mateo 7:11

Tyopiki axaño, champɨ nuxiantu nausɨboriki, apipiaka apityoximia axɨna uxia ɨmo axɨbama aubaɨtaiki, ¡saneampae naki Aubaɨ anati au napes toxio uiti axɨba omixhia ɨmo axɨbama ñankitioma pɨnanakiti!

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

Romanos 3:11

Champɨti naki ane ñapanaunkuxti. Champɨti naki yapacherioroti Tupax.

San Lucas 13:25

Axtɨ atɨraiti naki po'oso aiñamati tyurux, axaño, axɨbama abaka tyɨrɨpo, apabikia amukanaño: ‘Yɨriabux, aiyaɨbu suiñemo.’ Axti kaɨma aiñumuti: ‘Chɨtusiupɨ iñemo aukiche año.’