San Mateo 7:28 - Manityanati Tupax

²⁸ Naukiche tɨchauki nuraxti Jesús, namanaiña taruku nikɨtobɨxɨma oboi axɨba ñanunekakaxti ɨmoma,

Manitanati Tuparrü

²⁸ Nauquiche tüchauqui ñanitacarrti Jesús, enterurrü manuma macrirrtianuca cütobüsoma ui arrüna ñanunecacarrti.

San Mateo 7:28 Referans Kwoze

San Lucas 4:32

Axɨmanuma po'oso kɨtobɨsoma ui ñanunekakaxti ɨmoma, ityopiki manityanati aɨbu nɨriakaxti.

San Marcos 1:22

Taruku nikɨtobɨxɨma ui ñanunekakaxti ɨmoma, tyopiki manityanati aɨbu niriakaxti chɨtakanapɨ axɨmanuma manunekanama bakɨpukux uiti Moisés.

San Juan 7:46

Axɨmanuma masortaboka aiñumuma: –Champɨti naki tɨmanityanati takana nuraxti maniki ñoñɨnx.

San Marcos 6:2

Naukiche tiñatai axɨmanu nanenes sabaru, manunekanati au sinagoga. Sɨrɨmanama axɨbama onkoimia nuraxti Jesús, ñankitioma pɨnanaki aɨbu nikɨtobɨxɨma: –¿Aukiche abe uiti naki axɨba nanañantai nipiakaxti? ¿Aukiche ɨmoti tarukapae ñapanaunkuxti isamutenti axɨba champɨ tu bastai?

San Lucas 4:22

Namanaiña uxia nuraxɨma ɨmoti Jesús kɨtobɨsoma oboi axɨba omixhantai nuraxti. Ñankitioma pɨnanakimiantoe: –¿Kanapaemo aɨtoxti Kiosen axti naki?

San Juan 7:15

Axɨmanuma judíos kɨtobɨsoma namatɨ: –¿Kausane aye uiti naki taruku ñapanaunkuxti, abo chiyebotitɨpɨ au nixhikuera?

San Mateo 22:33

Naukiche onkoimia axɨna sane, namanaiña kɨtobɨsoma ui axɨna sane ñanunekakaxti Jesús.

San Lucas 19:48

Chɨtabɨkopɨ uimia kausane aisamunema, ityopiki namanaiña amonkoma asaramatɨ ñome axɨba nuraxti.

San Marcos 11:18

Naukiche tonkoimia, axɨmanuma ɨriatu axɨbama sacerdotes ichepe axɨbama manunekanama ɨmo bakɨpukux uiti Moisés bapacheroma nikiubuma kausane aityabairomati Jesús, ityopiki bixhubuma ñɨnanati, namanaiña kɨtobɨsoma ui ñanunekakaxti.

San Mateo 26:1

Naukiche tɨchauki ñanunekakaxti Jesús, nanti ɨmo axɨmanuma nesaxti apóstoles:

San Mateo 11:1

Naukiche tɨchauki ñanunekakaxti Jesús ɨmo axɨmanuma doce nesaxti apóstoles, sɨrotitɨ aukimanu anunekati uraboitityo axɨba omixhia manityakax au axɨmanio tube au axɨmanu kɨx.

San Mateo 19:1

Naukiche tɨnanti nanaiña axɨba sane, sɨrotitɨ Jesús auki Galilea iñataiti au axɨmanu kɨx Judea axɨna ane ɨmo tansɨrɨ pɨnanaki Jordán.

San Mateo 7:27

Iñatai tyanaunx, ubataso nusɨruka, basukɨro makiɨtɨx axɨmanu pox taɨbɨko akɨ. ¡Iñaxio nanaiña!”

San Mateo 7:29

ityopiki isamutenti aɨbu nɨriakaxti, chisiupɨ takana axɨmanuma manunekanama bakɨpukux uiti Moisés ɨmoma.

San Lucas 2:47

Namanaiña axɨbama onkoimia nuraxti kɨtobɨsoma ui ñapanaunkuxti oboityo axɨba iñumutati axtɨ ane ñankitioma pɨnanakiti.

San Lucas 7:1

Naukiche tɨchauki nuraxti Jesús aɨbuma, sɨrotitɨ au Cafarnaúm.