San Mateo 6:13 - Manityanati Tupax

¹³ Tapɨ chebo obi suichapene au makokotox, aityaesɨmunusu somɨ eanaki nomɨnantɨ.’

Manitanati Tuparrü

¹³ Tapü acheca macocotorrü suiñemo. Aitaesümunusu somü eanaqui nomünantü. Itopiqui champü nitacüru nüriaca, champü ito nitacüru nacusüu y nanentacarrü aesacü. Amén.

San Mateo 6:13 Referans Kwoze

1 Corintios 10:13

Axaño chɨtoxiopɨ aume makokotox axɨna chichepepɨ napasɨu. Axti Tupax chɨmapañantipɨ champɨ ñana makokotox uiti aume axɨna chichepepɨ napasɨu. Axtɨ ane ñana makokotox aume, axti Tupax ityusiankatati ausukarɨ kausane tapɨ abeka ui axɨmanu makokotox, nauki ane napasɨu ɨmo.

San Juan 17:15

Chixhankikiapɨ apɨnanakikɨ nauki aikiaɨburuma ikuki axɨna kɨx, ta nauki okɨmaka tyakuma pɨnanaki nomɨnantɨ.

San Mateo 26:41

Sɨsio año amastaikiatɨ aɨbu nameanka, tapɨ autapeneka. Axaño auxianka, tapɨ naukɨtɨpɨ chɨsanempɨ uixh.

Apocalipsis 19:1

Yopɨrɨkɨ axɨba sane, ñonkoi nityosibixhimia axɨbama sɨrɨmanama au napes namatɨ sane: “¡Aleluya! Axɨna maximikatax, nanentakax axɨnaintyo nɨriakax tyoneio nanaiña ɨmoti Tupax.

2 Tesalonicenses 3:3

Axti Yɨriabux Jesucristo ñemanauntu nuraxti, ui noñemaxti sɨsio año aɨbu napakokonaunku okɨmanatityo autaku pɨnanaki nomɨnantɨ.

San Mateo 6:10

Yebatɨ nɨriaka suiñemo. Tari uxiante isiu naxianka auna akɨ, takana au napes.

2 Pedro 2:9

Axti Tupax añekanama uiti pɨnanaki makokotox axɨbama onkomatɨ ɨmoti, tapɨ axɨbama chuxiampɨ nisɨborikixhimia sɨsioma uiti ɨmo nityakisɨrɨkɨxɨma kɨmenu axɨmanu tyakɨrux nanenes ñana.

1 Tesalonicenses 1:10

axɨma tusiu ɨmoma ta axaño apaxɨperaka kɨmenuti Jesucristo axtɨ tɨkuatati tato auki napes. Uiti Tupax sɨborikoti tato nauki tapɨ oseka ui nityakisɨrɨkɨxɨma axɨbama ane nomɨnantɨ uimia au axɨmanu tyakɨrux nanenes ñana.

Apocalipsis 21:4

Uiti ñana aisɨbuti nisukɨxɨma, champɨki konkox, suchekixh, noxokox, nareokox. Tyopiki nanaiña axɨmanu ane tɨkañe chauki champɨki.”

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.

Gálatas 1:4

Ityoximianatiyɨ Jesús ɨmo nikonkoxti yotopiki nomɨnantɨ osoi, nauki aixhimiakati oemo nomɨnantɨ iku axɨna kɨx au axɨba naskɨbeka kaɨma, takana noñemaxti Tupax naki Uyaɨ.

2 Corintios 1:20

nanaiña axɨmanio ensɨmunu tɨkañe uiti Tupax aɨbuti omixhante. Sane naukiche, axtɨ makionka oñɨ ɨmoti Tupax, usukanaoñɨ “Amén” aɨbuti Cristo Jesús.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Apocalipsis 1:18

tyonentityo naki sɨboriko. Isonka tɨkañe, tapɨ kaɨma isɨborikia tato ɨmo nanaiña naskɨbeka, axɨñɨ ane nisɨriaka pɨnanaki nɨriaka konkox.

San Mateo 5:37

Akasiatai amukanaño ‘sane’ o ‘chɨsanempɨ.’ Axtɨ amukanaño kiatax nabura, tyone axɨna chuxiampɨ.

1 Corintios 14:16

tyopiki axtɨ axɨkɨ uxia nura kɨtɨpɨti Tupax ui nausɨpɨatai, axti naki onsapetioti neanka, champɨ nikiubuti nauki aiñumuti achepekɨ axɨmanu neanka, tyopiki chiyebopɨ uiti axɨmanu ukanɨ.

San Mateo 28:20

Apiñununekasama nauki akokonauma ɨmo nanaiña nixhakɨpuku aume. Tapɨ axɨñɨ yasikia auchepe nanaiña naneneka, ichepe axtɨ iñatai nityakɨrux ɨmo axɨna kɨx.

Apocalipsis 19:4

Auki axɨmanuma veinticuatro mayɨriabuka chepe axɨmanuma cuatro sɨborikoma manaunuma ɨmoti Tupax maniki anati tɨmonsoti au nityɨmoxti. Auki namatɨ: “¡Amén! ¡Tari namanaiña anauma ɨmoti Tupax!”

Apocalipsis 5:13

Ñonkoityo ta nanaiña axɨba omixhante uiti Tupax au napes, iku kɨx, kiana kɨx, takanaintyo au narubaityu tux, munantɨ: “¡Ɨmoti naki tɨmonsoti iku nityɨmoxti ɨmointyo axɨmanu Nobixhax, nanaiña masonikixh, manaunkux, nanentakax chepe nɨriakax ñome nanaiña naskɨbeka!”

Apocalipsis 3:14

“Akonomointyo ɨmoti maniki ángel auki Laodicea kauta aboma axɨbama ikokoromañɨ: ‘Tyone axɨna nanti maniki Amén, axti naki manunekanati axɨna ñemanauntu, axti naki tyopikiche ane nanaiña axɨna nisamukuxti Tupax:

Hebreos 11:36

Aboma axɨbama taruku nunkuxɨma ɨmoma, kɨborioma uimia, amanamampo tomoenoma ui karenax uimia.

1 Timoteo 1:17

¡Manauna masonina ɨmoti Yɨriabux naki champɨ nityakɨru nisɨborikixhti, naki chɨtusiutipɨ, naki kunauntañati Tupax! Amén.