San Mateo 5:16 - Manityanati Tupax

¹⁶ Saneityo axaño, apisamuse axɨna uxia nauki axɨna basarux ane aukɨtɨpɨ anentax uixh sukarɨ makiataka, nauki, ui axɨna astaimia uxia apisamute, namanaiña omixhia nuraxɨma kɨtɨpɨti Yaɨtoxɨma naki anati au napes.

Manitanati Tuparrü

¹⁶ Sane ito arraño tiene que anentarrü aboi ümo macrirrtianuca. Tapü apiñanecata isucarüma arrüna urria napisamute, sane nauqui aiñanaunumati Aubaü, naqui anati au napese, itopiqui uiti arrüna urria napisamute.

San Mateo 5:16 Referans Kwoze

1 Pedro 2:12

Taikiana uxia nausɨboriki axtɨ abaka axɨpekuma axɨbama chikokoropɨmati Tupax. Sane axtɨ kaɨma chuxiampɨ nuraxɨma aume, takana axɨbama chuxiampɨ nisɨborikixhimia, astaimia ñana axɨna uxia apisamute auki machampienkanama ɨmoti Tupax uimia au axɨmanu tyakɨrux nanenes ñana.

Tito 2:7

au nanaiña, aityusianka ui nasɨboriki sukarɨma kausane aisamunema axɨna uxia. Axtɨ aiñununekakama, aisamuse axɨna ñemanauntu tapɨ apanka,

San Juan 15:8

Ui axɨna sane tusiankana niyarusɨrɨkɨxti Iyaɨ, axtɨ apisamute aruki nanaiña axɨba omixhia, ui axɨna sane ñemanaunkuxatoe ta amonkaño isiuñɨ.

Efesios 5:8

Axaño tɨkañe ausɨborikia au tomikianene, tapɨ kaɨma ui axɨna abaka aɨbuti Yɨriabux Jesús ausɨborikia au nanentax. Sane naukiche apiña takana axɨbama aboma au nanentax.

1 Pedro 3:16

apisamuse aɨbu nautakisɨrɨkɨ aɨbuityo napanaunku. Apisamuse nausɨboriki isiuki axɨna uxia napapanaunku, nauki axɨbama chuxiampɨ nuraxɨma ɨmo axɨna uxia nausɨboriki tyopiki apikokokati Cristo, akɨsoma tato oboi axɨba chomixhampɨ nuraxɨma.

1 Pedro 4:14

Tari taruku naupukɨnunku, axtɨ anati naki unuti año tyopikiti Cristo, tyopiki nesaxti Espíritu Tupax taikiana ane auchepe.

1 Pedro 2:9

Axaño tyonema axɨbama aɨtoxti Tupax samamekana año uiti, sacerdote año nauki apaserebi ɨmoti Yɨriabux, axɨbama champɨ nipɨnatema, axɨbama kaɨburuma uiti Tupax eanaki nomɨnantɨ. Axɨna sane ta nauki aburaboi axɨba champɨ tu bastai nisamukuxti Tupax, nauki aye aboi kauta taruku nanentakax esati.

Tito 3:14

Axɨbama aboma usiu tari aipiama aisamunema axɨba omixhia nauki ayurama axtɨ ane nɨmoche, nauki uxia nisɨborikixhimia.

1 Timoteo 6:18

Aikɨpusuma nauki aisamunema axɨna uxia, tari chiyaupɨ nenaxixhimia oboi axɨbama omixhia isamutema, tari makumananaunxɨma tarukuityo nipukɨruxɨma.

2 Corintios 9:13

Axɨmaintyo yarusɨrɨx nɨrixhti Tupax uimia, tyopiki axɨna napakumanata uixh atusi ta axaño apikokota axɨba omixhia manityakax taruku niyukuax aume tyone nuraxti Cristo. Axɨmaintyo manaunuma ɨmoti Tupax tyopiki apityoximiata napakumanata aɨbu naupukɨru tyakuma takanaintyo tyaku namanaiña.

Efesios 2:10

Uiti Tupax aisamunuti oñɨ. Isamunuti oñɨ aɨbuti Cristo Jesús nauki uisamunio axɨba omixhia, tyone axɨna aukiapae tɨkañe xhanxti uisamune.

Hebreos 10:24

Bapachera kausane nikiubu oñɨ nauki basaratɨ utakuapatoe, nauki ukuasɨrɨtyo oemoantoe sane uisamune nantax axɨna uxia.

1 Pedro 4:11

Axtɨ anati naki manityanati, tari anityati takana nuraxti Tupax. Axtɨ anati naki ane yachɨkoiti ɨmoti kiatax, tari aisamunenti aɨbu nanaiña nikusɨuxti axɨna toxio ɨmoti uiti Tupax. Nanaiña axɨna apisamute, apisamuse nauki achampienkama ɨmoti Tupax tyopikiti Jesucristo, naki esache axɨmanu yarusɨrɨx nɨriakax axɨna champɨ nityakɨrux ñana. Amén.

1 Tesalonicenses 2:12

Suixhankaityo nauki axaño apikoñoko nausɨboriki takana axɨbama aɨtoxti Tupax, axɨbama samamekanama nauki aye uimia kauta yarusɨrɨx nɨriakaxti.

1 Pedro 3:1

Saneityo axaño axɨba paɨka, axɨba tɨboposo, apakokonau ɨmoma axɨbama apikianaño. Sane axtɨ chikokotapɨma nuraxti Tupax, ui axɨna nausɨboriki aɨbuma uixh kaɨma ikokotama. Champɨapae nɨmoche apanitya ɨmoma ui axɨnantai nausɨboriki aɨbuma,

Hechos 9:36

Au axɨmanio naneneka tɨkañe au Jope ananka akamanu taman paɨx axɨna ikokoroti Jesús nɨrixh Tabitá, auki griego nɨrixh Dorcas. Axɨmanu paɨx uxia nisɨborikixh, taruku nipukɨrux tyaku axɨbama takisɨrɨma.

1 Timoteo 5:25

Saneityo axɨba omixhia uisamute, butusiu nuxia, tapɨ axɨba chomixhampɨ chɨsɨsiopɨ umanekanatai.

San Mateo 5:45

Sane axaño ñana aɨtoxti naki Aubaɨ anati au napes. Sane kuara sux uiti ɨmo axɨbama uxia nisɨborikixhimia takana ɨmo axɨbama chuxiampɨ nisɨborikixhimia, bakɨpurutityo axobeo ɨmo axɨbama uxia nisɨborikixhimia takanaityo ɨmo axɨbama chuxiampɨ nisɨborikixhimia.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

1 Timoteo 2:10

Tari axɨba niñokoñopox tyone axɨba omixhia opisamute, sane takana axɨba paɨka taruku ñupanaunkux ɨmoti Tupax.

Gálatas 1:24

Auki machampienkanama ɨmoti Tupax ichopikiñɨ.

Tito 3:4

Tapɨti Tupax naki uiche ane maximiakatax oemo ityusiankatati axɨna nipukɨruxti tyaku namanaiña mañoñɨnka,

1 Corintios 14:25

Sane tusiu nanaiña axɨna ane au nausasɨxti, auki bachesoiyoti ñanaunkuxti ɨmoti Tupax, aukityo ikokotati ta ñemanauntu axti Tupax anati uyaxɨpeku.

San Lucas 11:2

Nanti Jesús ɨmoma: –Axtɨ ameanka, amukanaño: ‘Suiyaɨ, aka au napes anaunu nɨri, yebatɨ nɨriaka suiñemo. Tari uxiane isiu naxianka auna akɨ takana au napes.

San Mateo 9:8

Naukiche astaimia axɨna sane, namanaiña bixhubuma auki Machampienkanama ɨmoti Tupax ityopiki toxio uiti axɨna sane ɨriakabo mañoñɨnka.

San Mateo 23:5

Nanaiña axɨna isamutema xhanxɨma nauki asaraimia namanaiña. Uxia ɨmoma ane Nikorox ikutama yokɨtɨpɨ nipiaxɨma korobo iku bupakubaesa xɨrɨpɨtɨka, aiñama naibixhimia ñana ane nikoñopo nabeux.

San Mateo 6:16

“Axtɨ axaño champɨ apakonte au nanenes, tapɨ oxonene nausu, takana axɨmanuma chisamutempɨma axɨna nuraxɨma, mapañama asuchema nauki namanaiña asaraimia axɨna champɨ ñakontema. Ñemanauntu sukanañɨ aume ui axɨmanu sane tɨtane toxiobo ñana aume ityobo.

San Mateo 23:9

Tapɨ anati ɨmoche amukanaño iyaɨ iku axɨna kɨx, ityopiki anati kunauntañati Aubaɨ: axti naki anati au napes.

San Mateo 6:9

Axtɨ ameanka amukanaño sane: ‘Suiyaɨ aka au napes, tari anaunu nɨri.