San Mateo 5:14 - Manityanati Tupax

¹⁴ “Axaño basarux año ɨmo axɨna kɨx. Axtɨ abe poka onɨ yirityux auki nanaiña butusiu.

Manitanati Tuparrü

¹⁴ ‛Arraño tacana basarurrü ümo macrirrtianuca icu na cürrü. Arrtü taman pueblurrü ane onü taman yiriturrü, chüpuerurrüpü chütusiopü.

San Mateo 5:14 Referans Kwoze

Filipenses 2:15

nauki tapɨ apisamute nomɨnantɨ tapɨ anatityo naki iñensɨmunuti año yotopiki chɨtamampatai. Iku axɨna kɨx kauta sɨrɨmanama axɨbama chuxiampɨ nisɨborikixhimia tarukuityo nomɨnantɨ uimia. Axaño tyopiki aɨtoxti Tupax año, tapɨ apisamukio axɨmanio nomɨnantɨ apisamuse besɨro nausɨboriki sukarɨ makiataka.

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

1 Tesalonicenses 5:5

Namanaiña axaño apikokokati Yɨriabux Jesús, tyone axɨmanu takana axtɨ usaka au nanentax takana au sapes.

San Juan 12:36

Apikoko nanentax axɨna aninki auna abaxɨpeku, nauki aye aboi esa nanentax. Naukiche tɨnanti Jesús axɨba sane, sɨrotitɨ atanekati pɨnanakimia.

2 Corintios 6:14

Tapɨ abasikia kɨtɨpɨ taman yubux aɨbuma axɨbama chikokoropɨmati Tupax. Tyopiki ¿isane iyebo axtɨ uichepekata axɨna uxia mapanaunkux chepe axɨna chuxiampɨ? ¿Axtɨ basarux uiñata chepe tomikianene?

San Juan 5:35

Axti Kuan tyonenti takana basarux kuara uixh, axaño auxianka anentax aume ui nibiasaruxti ñome mantukubatai naneneka.

Apocalipsis 1:20

Sobi suraboi asukarɨkɨ axɨna ananka anekana isane nɨmoche axɨmanio siete nostoñeka asakio abe au nepanaunku niñee, axɨmaniointyo siete kantreruka omixhante ui oro: axɨmanio siete nostoñeka, ta tyonema axɨbama ángeles auki axɨmanio siete kauta aboma axɨbama ikokoromañɨ, tapɨ axɨmanio siete kantreruka, ta tyoneio axɨmanio kauta aboma axɨbama ikokoromañɨ.

San Juan 9:5

Axɨna yakaiki iku axɨna kɨx, axɨñɨ basaruxɨñɨ ɨmo namanaiña.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.