San Mateo 4:18 - Manityanati Tupax

¹⁸ Sɨrotitɨ Jesús amenkoti abeuki axɨmanu narubaityu tux au Galilea, naukiche asaratitɨ ɨmo axɨmanuma toxɨma yarukityoxɨmantoe: axti maniki taman tyonenti Simón, nɨrixhtityo Peru, axti kiatax tyonenti Andrés. Axɨbama ipiakama akaɨbuma nopiokox, iñatama nimomesɨma au tux.

Manitanati Tuparrü

¹⁸ Arrti Jesús amencoti abeuqui manu narubaitu turrü au Galilea. Acamanu asaratitü ümo torrü mañoñünca, yaruquitorrümantoe. Arrti maniqui taman nürirrti Simón y nürirrtito Pedro. Arrti maniqui quiatarrü nürirrti Andrés. Arrüma batrabacarama acaübuma nopiocorrü eanaqui turrü ui momese.

San Mateo 4:18 Referans Kwoze

San Mateo 10:2

Tyoneio axɨba nɨrixhimia axɨmanuma sɨromatɨ isiuti Jesús nɨrixhimiaintyo uiti axɨbama apóstoles: kusɨrɨboti Simón nɨrixhtityo Peru, axti Ñantrexi yarukityoxtiatoe. Axti Santiago ichepeti yarukityoxtiatoe axti Kuan, aɨtoxti Zebedeo.

San Lucas 6:14

Tyonema axɨbama: axti Simón, naki iñatati ɨriboti Peru. Chepeti Andrés naki, yarukityoxti Simón. Axti Santiago, axti Kuan, axti Felipe, axti Bartolomé,

San Mateo 16:18

Axɨñɨ sukanañɨ aemo axɨkɨ nɨri Peru, onɨ axɨna kanx atɨrai sobi nipo. Axɨna nikusɨu konkox champɨ kausane uixh ɨmo.

San Mateo 15:29

Axti Jesús sɨrotitɨ aukimanu, auki iñataiti abeu axɨmanu narubaityu tux au Galilea. Aukimanu sɨrotitɨ onɨ taman yirityux atɨmoti.

San Juan 6:1

Pɨrɨkɨ axɨna sane, sɨrotitɨ Jesús tyopɨ axɨmanu narubaityu tux au Galilea, nɨrixhtyo Tiberias.

San Juan 21:1

Auki ityusiankanatiyɨ tatityo Jesús sukarɨma axɨmanuma nesaxti apóstoles, abeu axɨmanu narubaityu tux nɨrixh Tiberias. Ityusiankanatiyɨ sane:

San Juan 6:8

Auki axti Andrés, tamanti axɨpekukimia axɨmanuma nesaxti apóstoles yarukityoxti Simón Peru, nanti ɨmoti:

San Marcos 7:31

Basɨkɨbɨkoti tato Jesús auki axɨmanio poka Tiro, ikɨnotiyɨ auki Sidón, iñataiti au axɨmanu narubaityu tux au Galilea, au axɨmanu kɨx Decápolis.

San Mateo 4:19

Nanti Jesús ɨmoma: –Ausiapata isiuñɨ, sobi ñana apakaɨbuka ui momes mañoñɨnka.