San Mateo 28:20 - Manityanati Tupax

²⁰ Apiñununekasama nauki akokonauma ɨmo nanaiña nixhakɨpuku aume. Tapɨ axɨñɨ yasikia auchepe nanaiña naneneka, ichepe axtɨ iñatai nityakɨrux ɨmo axɨna kɨx.

Manitanati Tuparrü

²⁰ Apiñununecasama ito na acoconauma ümo arrüna nirracüpucu aume. Tapü tacürusu ito napaquionco iyo arrüna sane: Arrüñüü yaca auchepe cheperrtü tiñatai ñapacümuncuturrti Tuparrü. Amén.

San Mateo 28:20 Referans Kwoze

San Mateo 1:23

“Axɨmanu kupikixh kuatati simia kɨtɨpɨ anati ñana ipiaɨmakax, apiña ɨriboti ñana Emanuel” (nantɨ sane: “Anati Tupax ochepe”).

San Mateo 18:20

Tyopiki kauta aboma toxɨma o trexɨma iyoberabaramakɨ au nisɨri, akamanu ichepema yakaityo.

San Marcos 16:20

Axɨma sɨromatɨ uraboimia axɨba omixhia nuraxti au nanaiña. Axti Yɨriabux anankati chepema, ityusiankatati axɨmanio nuraxɨma oboi axɨba champɨ tastaimia.]

Colosenses 1:28

Axɨsomɨ supanityaka kɨtɨpɨti Cristo, supanunekaka ɨmo namanaiña aɨbu nanaiña mapanaunkux, nauki sopityusiankanaño besɨro nausɨboriki takanati Cristo.

1 Corintios 14:37

Axtɨ anati naki au ñakionkoxti manityanati au noñemaxti Tupax, axtɨ au ñakionkoxti manityanati ui noñemaxti Espíritu Santo, tusiu ɨmoti ta axɨna xhakonomoka aume tyone yakɨpukuxti Yɨriabux Jesús.

2 Timoteo 4:17

Tapɨti Yɨriabux Jesús anankati chepeñɨ uiti aruku nuxia iñemo, sane naukiche surapoi axɨba omixhia manityakax, nauki namanaiña axɨbama chɨtɨpɨ judíos onkoimia. Sane uiti Yɨriabux Jesús añekanañɨ pɨnanaki nuitɨmɨx,

Hechos 2:42

Namanaiña iñatama isiuki ñanunekakaxɨma axɨbama apóstoles, iñatamaintyo nenaxixhimia ɨmo namanaiña, chepe nakaxɨma axtɨ basoma, axtɨ meabomaintyo.

San Mateo 6:13

Tapɨ chebo obi suichapene au makokotox, aityaesɨmunusu somɨ eanaki nomɨnantɨ.’

1 Corintios 11:2

Uxia iñemo axɨna apisamute sane, masarukityaiki, tyopiki taikiana apakionkaño iyoñɨ apisamutentyo nanaiña nixhanunekaka aume.

San Mateo 13:49

Saneityo ñana uxiante axtɨ iñatai nityakɨrux ɨmo axɨna kɨx: kuamatɨ axɨbama ángeles uimia sɨroma peese axɨbama chuxiampɨ nisɨborikixhimia pɨnanaki axɨbama uxia nisɨborikixhimia,

Apocalipsis 22:14

Taruku ñana nipukɨnunkuxɨma axɨbama iyaxɨbitama naibixhimia, tyopiki toxio ñana utuburiboma nɨta axɨmanu soes uiche ane sɨborikixh axɨna champɨ nityakɨrux. Axɨma sɨromatɨpo ñana auki axɨmanio tyuruka au axɨmanio poka.

2 Pedro 3:2

Apakionsaño nuraxɨma axɨbama profetas tɨkañe, axɨmanuintyo bakɨpukux uiti Yɨriabux Jesucristo, axɨmanio ñanunekataxɨma aume axɨmanuma nesaxti apóstoles Jesús.

Hechos 20:27

ityopiki xhanunekaka aume nanaiña axɨna nixhantɨmoti Tupax, champɨ axɨna chisurapoipɨ.

Apocalipsis 1:18

tyonentityo naki sɨboriko. Isonka tɨkañe, tapɨ kaɨma isɨborikia tato ɨmo nanaiña naskɨbeka, axɨñɨ ane nisɨriaka pɨnanaki nɨriaka konkox.

1 Corintios 11:23

Tyopiki axɨñɨ yasutiu axɨna manunekatax uiti Yɨriabux Jesús, auki axɨñɨ iñununekakaño: Axɨmanu tobixh tɨkañe naukiche toxioti Yɨriabux Jesús ɨmo nikonkoxti, yasutiuti mekuti taman pan

San Mateo 24:3

Auki sɨromatɨ onɨ axɨmanu yirityux Olivos. Axti Jesús tɨmonsoti, sɨromatɨ esati axɨmanuma nesaxti apóstoles nauki ankirioma peese pɨnanakiti: –Suixhanka nauki uraboi suisukarɨ auche ñana uxiane axɨna sane. ¿Isane ñana uiche atusi nayeki tato axɨnaintyo nityakɨrux ɨmo axɨna kɨx?