San Mateo 27:2 - Manityanati Tupax

² Sɨrotitɨ uimia tomoenoti nauki aityoximianamati ɨmoti Pilato, naki yɨriabux romano.

Manitanati Tuparrü

² Tomoenoti uimia y süromatü aübuti naqui aitorrimianamati ümoti yüriaburrü rromanorrü, nürirrti Poncio Pilato.

San Mateo 27:2 Referans Kwoze

Hechos 3:13

Axti Tupax ɨmoti Abraham, ɨmoti Isaac ɨmotityo Jacob, ɨmoma axɨbamaintyo kusɨrɨboma tɨkañe usaɨbu, tyonenti naki uiche yarusɨrɨx nɨrixhti Jesús axti Aɨtoxti. Naki toxioti aboi ɨmo mayɨriabuka, axti yɨriabux Pilato xhanxtipɨ tɨkañe aiñemekanati, tapɨ axaño chauxiankapɨ.

San Mateo 20:19

ityoximianamatityo ɨmo axɨbama auki iche nauki unumati, okɨsimia ɨmoti nauki aityakubaxiromatityo kɨtɨpɨ kurusɨx. Yopɨrɨkɨ trex naneneka sɨborikoti tato.

1 Timoteo 6:13

Sukarɨti Tupax, naki uiche aisamunenti nanaiña axɨba abe, sukarɨtityo Jesucristo, naki nanti tɨkañe sukarɨti Pilato ta ikokoroti Tupax,

San Lucas 13:1

Au axɨmanio naneneka aboma axɨbama yebomatɨ asaramati Jesús, urapoimia isukarɨti axti Pilato korauru uiti notoxɨma axɨmanuma mañoñɨnka auki Galilea eana noto axɨmanio numukianka axɨba mokoiño uimia ɨmo ñakumanataxɨma ɨmoti Tupax.

Hebreos 13:3

Apakionsaño ɨmoma axɨbama aboma amanamampo, takana axtɨ axañointyo abaka amana año ichepema. Apakionsama ɨmoma axɨbama takisɨrɨma ui makiataka, tyopiki axaño chɨtusiupɨ aume axtɨ chɨsanempityo uimia ñana aume.

2 Timoteo 2:9

Yotopiki axɨba omixhia manityakax yaka aɨbu nichakisɨrɨkɨ, yaka ichomoenka ui karenax takanati yatabayox. Tapɨ axɨna nuraxti Tupax chɨtomoenopɨ ui karenax.

Hechos 28:20

Sane naukiche xhaemeka abapa, nauki yasaraño xhanityaityo aupu. Tyopiki axɨna nubaxɨperaka axɨbama auki Israel, ityopiki axɨñɨ yaka auna ichomoenka ui karenax.

Hechos 24:27

Tomenotɨ tox naskɨbeka, sɨroti ityoboti Félix axti Porcio Festo. Tyopiki axti Félix xhanxti uxia ui axɨbama judíos ɨmoti, chɨtaesɨburutipɨ Pablo uiti.

Hechos 22:29

Ui axɨna sane, axɨmanuma xhanxɨma achema chakuti Pablo sɨromatɨ esakiti. Axtityo maniki yɨriabux naukiche tɨtusiu ɨmoti ta auki romati, bixhubuti tyopiki tomoenoti uiti ui karenax.

Hechos 22:25

Naukiche tomoenoti uimia nauki achema chakuti, ñankitioti Pablo pɨnanakiti maniki ɨriatu masortaboka naki anankati akamanu: –¿Axaño ane nabɨriaka nauki apikɨbairoti naki auki Roma, axtɨ chɨtusiupɨ ɨmoti isane tyakuche?

Hechos 21:33

Auki axti maniki ɨriatu masortaboka sɨrotitɨ esati Pablo akamanu iñenomati auki bakɨpuruti nauki aityomoenomati oboi tox karenax. Auki ñankitioti, ñakuti maniki ñoñɨnx, isane nipɨnatenti.

Hechos 12:6

Naukiche xhanxtipɨ Herodes aikiaɨburuti tyɨrɨpo numo tɨtaneneka nauki aityusiankanati sukarɨ namanaiña, axɨmanu tobixh, anankati Peru kɨmuintya ui toxɨma masortaboka, tomoenoti nuxia oboi tox karenax. Tapɨ makiataka asaramatɨ tyaku tyurux kauta anankati amanatipo.

Hechos 9:2

mankioti kichonimiakax pɨnanakiti, nauki aɨrotitɨ ubau sinagogas au Damasco, nauki apacheti mañoñɨnka yochepe paɨka, axɨbama sɨromatɨ isiu axɨmanu aɨbo manunekakax, nauki ayematɨ uiti au Jerusalén tomoenoma.

Hechos 4:27

“Ñemanauntu axti Herodes ichepeti Poncio Pilato chepe ñakionkoxɨma, axɨbama auki Roma axɨbamaintyo auki Israel, nauki aityabairomati Jesús, naki samamekanati obi nauki yɨriabuxti suiñemo.

San Juan 18:24

Auki axti Anás bakɨpuruti aɨbuti Jesús, tomoenoti esati Caifás, ɨriatu axɨbama sacerdotes.

San Juan 18:12

Axɨmanuma masortaboka ichepeti ɨriatuxɨma ichepetyo axɨmanuma judíos asaramatɨ tyaku nipo meankax, iñenomati Jesús auki tomoenoti uimia.

San Lucas 20:20

Bakɨpuruma ɨmo makiataka, takana axɨbama uxia nisɨborikixhimia, nauki anityati uimia Jesús isiukiche urabomati sukarɨti yɨriabux romano.

San Lucas 3:1

Tɨtabe tɨkañe quince naskɨbeka nɨriakaxti yɨriabux Tiberio, tapɨti Poncio Pilato yɨriabuxti au axɨmanu kɨx Judea. Tapɨti Herodes yɨriabuxti au Galilea, axti yarukityoxti, Filipo yɨriabuxti au Iturea ɨmointyo Traconítide, tapɨti Lisanias yɨriabuxti au Abilene.

San Mateo 28:14

Axtɨ ipiatenti yɨriabux axɨna sane, axɨsomɨ supaparikia aɨbuti, tapɨ axaño champɨ kausane aume.

San Lucas 23:1

Namanaiña atɨraimia, auki aɨromatɨ aɨbuti Jesús esati Pilato.

San Lucas 23:12

Au axɨmanu nanenes tɨkañe axti Pilato ichepeti Herodes isamunumakɨ ityurapataxɨma, abo tɨkañe chuxiampɨ uimia ɨmomantoe.

San Juan 18:28

Tansɨrapae, sɨromatɨ aɨbuti Jesús auki nipoxti Caifás au nipo nɨriakaxti maniki yɨriabux auki Roma. Axɨmanuma judíos chɨsɨromapɨtɨpo ityopiki axɨmanu bakɨpukux uiti Moisés chichebopɨ uixh aɨromatɨpo au nipoxti naki auki kiatax kɨx kɨmenu axɨmanu pukɨnunkux Paxkua.