San Mateo 26:75 - Manityanati Tupax

⁷⁵ auki akionotiyɨ Peru nuraxti Jesús ɨmoti: “Kɨmenu trex nipuku po'ox urapakai chasuputakapɨñɨ.” Auki sɨrotitɨ Peru aukimanu, tarukapae nareoxti.

Manitanati Tuparrü

⁷⁵ Auqui aquionotiyü iyo arrümanu nurarrti Jesús tücañe ümoti sane: “Ñemanauncurratoe sucanañü aemo, caüma arrüna tobirri chüpuruiquipü pohorrü ucanü trerrü vecerrü que chasuputacapüñü”. Auqui arrti Pedro sürotitü türüpo, orronene nurria ümoti y areoroti.

San Mateo 26:75 Referans Kwoze

San Mateo 26:34

Nanti Jesús ɨmoti: –Ñemanauntu sukanañɨ aemo kaɨma axɨna tobixh, kɨmenu nipuku po'ox, trex urapakai ta chasuputakapɨñɨ.

San Juan 13:38

Aiñumuti Jesús nuraxti. –¿Ñemanauntu aityoximiata nasɨboriki ichopikiñɨ? Ñemanauntu sukanañɨ aemo kɨmenu nipuku po'ox trex urapakai chasuputakapɨñɨ.

Gálatas 6:1

Masarukityaiki, axtɨ amastai anati naki tapenekoti abaxɨpeku au nomɨnantɨ, axaño tyopiki axɨna ane noñemaxti Espíritu Santo aukɨtɨpɨ amasasatɨ tyakuti nauki aikoñokoti nisɨborikixhti. Apasamunau aɨbuti. Tari taikianati taman asaratitɨ nuxia tyakutiatoe, nauki tapɨ tapenekotityo au makokotox.

1 Pedro 1:5

Ui axɨna apikokokati Tupax, sane naukiche okɨmanati autaku ui nɨriakaxti, nauki ane maximiakatax aume sane takana nixhankaxti au axɨba kaɨma naneneka.

1 Corintios 4:7

¿Ñakuti uiche yarusɨrɨxɨkɨ pɨnanaki makiataka? Nanaiña axɨba nenaxi uiti Tupax aityoximiati aemo. Axtɨ uiti aityoximiati aemo, ¿kausane onkatɨ aemoantoe, takana axtɨ obiatoe ane nenaxi?

San Mateo 10:33

Tapɨti naki chisuputaratipɨñɨ sukarɨ mañoñɨnka, axɨñɨntyo chisuputakatipɨ kutakikiboti Iyaɨ naki anati au napes.

San Mateo 26:74

Auki nanti au nɨrixhti Tupax, nanti sane: –¡Chisuputakatipɨ maniki ñoñɨnx! Isiukai puru taman po'ox,