San Mateo 24:49 - Manityanati Tupax

⁴⁹ auki kaɨma champɨ nipukɨruxti tyaku makiataka kumanakaka, sɨrotitɨ chepe mayorisɨbaboka nauki a'ati achatityo,

Manitanati Tuparrü

⁴⁹ y bacheboti chacu bama maquiataca mamosoca y chaiyatai ñasamucurrti pierrta aübu bama mayarisüboca.

San Mateo 24:49 Referans Kwoze

Apocalipsis 17:6

Auki kuatɨ au nixhakionko axɨmanu paɨx ta orisɨbabo ui noto axɨbama ikokoromati Tupax uityo notoxɨma axɨbama manunekanama tɨkañe au nɨrixhti Jesús. Isɨtobɨka nuxia uixh, naukiche yasakatɨ ɨmo.

Apocalipsis 16:6

Axɨbama chuxiampɨ uimia aemo sɨrɨmanama koiñoma uimia axɨpekukimia axɨbama champɨ nomɨnantɨ uimia, axɨbamaintyo tɨkañe urapoimia nura, kaɨma chaboma obi notox. ¡Koñotɨapae ɨmoma!”

San Mateo 7:15

“Amasasai nuxia ñɨnanama axɨmanuma taruku ñapantuxɨma anunekama au nɨrixhti Tupax. Kuamatɨ aubesa takana nobixhamanka, tapɨ au nausasɨxɨma takana nuitɨmɨka nakaxɨma.

Apocalipsis 13:7

Cheboityo ɨmo nauki aɨrotɨ ɨmo baikixh aɨbuma axɨbama ikokoromati Tupax, sane isamutenti nixhantɨmoti aɨbuma. Toxioityo ɨriakabo ɨmo namanaiña mañoñɨnka ikuki axɨna kɨx.

SAN JUDAS 1:12

Axtɨ aboma auchepe ɨmo naupukɨnunku, ɨmo naukɨso tyakuma, tyopiki axtɨ basoma chabomaintyo, champɨ ñanaunkuxɨma. Yɨriabuxɨma nauki asaramatɨ tyakumantoe. Takana kɨsaɨboka champɨ tux oboi, bopeoratai ui makiɨtɨx. Takana soeka axɨba chobɨtaupɨ, tɨtabe tox niñokonkox bokiyauru aɨbu nanaiña niñuxanakax.

1 Pedro 5:3

Tapɨ apisamute aɨbuma axɨbama toxioma aume uiti Tupax takana axtɨ kumanakaxɨma aume, apapache nikiubu año nauki aisamunema nisɨborikixhimia isiuki nausɨboriki.

Filipenses 3:19

Namanaiña axɨmanuma sane nisɨborikixhimia sɨromatɨ ñana au infierno. Sɨborikoma nauki a'amantai, taruku nipukɨnunkuxɨma oboi axɨba isamutema, abo oboipɨ taruku nikɨsoxɨma. Kunauntaña ñakionkoxɨma yubapa axɨba chomixhampɨ ikuki axɨna kɨx.

2 Corintios 11:20

uxiaintyo aboi ɨmoma axɨbama kumanakax año uimia, axɨbama ikiaɨbutama amopɨnanaki namenaxi, axɨbama matachemakanama aume, axɨbama chaukuasɨrɨkapɨ ɨmoma axɨbamaintyo okɨsioma aume.

Romanos 16:18

tyopiki chɨbaserebiopɨma ɨmoti Yɨriabux Jesucristo, ta ɨmoantai axɨna nixhantɨmoma, oboi axɨba kɨsumañantai nuraxɨma ikoñokotama nuxia ñanityakaxɨma matachemakanama ɨmoma axɨbama chɨtusiupɨ ɨmoma.

San Mateo 18:28

“Naukiche tɨtaesɨburuti maniki kumanakax, ikuñunuti kiatax naki ebeoti simiantai ɨmoti. Eenoti uiti aityumenoti, nanti ɨmoti: ‘¡Apaka iñemo nebeki!’

San Mateo 24:48

Tapɨ axtɨ chɨsanempɨ uiti maniki kumanakax, au ñakionkoxti chɨkontopɨ aiñanainti tato maniki ɨmoche aserebiti

San Mateo 24:50

au axɨmanu nanenes ñana kauta champɨ ñakionkoxti au axɨmanuintyo horax kauta chɨtusiupɨ ɨmoti, iñataiti tato maniki ɨmoche aserebiti

San Juan 2:10

auki nanti ɨmoti: –Namanaiña kusɨrɨbo machamanama axɨna uxia vino, axtɨ tɨkoboi nichakaxɨma axɨmanuma ane batasukux ɨmoma, machamanama kaɨma ɨmoma axɨna nichabataxɨmantoe vino. Tapɨ axɨkɨ aiñaɨbuta axɨna uxia vino ɨmo nityakɨrux.