San Mateo 24:37 - Manityanati Tupax

³⁷ “Takana au axɨmanio naskɨbeka tɨkañe sukarɨti Noé, saneityo ñana axtɨ kuatati tato Aɨtoxti ñoñɨnx.

Manitanati Tuparrü

³⁷ ‛Arrtü iseca tato, arrüñü Ñemanauncurratoe Ñoñünrrü, pasao auna icu cürrü isiu tacana tücañe numo süboricotiqui Noé.

San Mateo 24:37 Referans Kwoze

2 Pedro 3:6

Uityo axɨmanu yarusɨrɨx tax iñaxio tɨkañe kɨx.

2 Pedro 2:5

Champɨityo axtɨ añekanama uiti Tupax axɨmanuma kusɨnɨtañama tɨkañe, ta bakɨpuruti tarukapae tax onɨma axɨmanuma mañoñɨnka chuxiampɨ nisɨborikixhimia, axtiatai Noé añekanati, naki besɨro nisɨborikixhti, chepeti añekanamaintyo siete nububikixhimia.

Hebreos 11:7

Axti Noé onkotitɨ nuxia tɨkañe ɨmoti Tupax, sane naukiche ikokotati axɨmanu urapoiti Tupax sukarɨti ta kuantionki axɨba champɨ tɨmutusiankana, auki masamunuti taman sɨrɨmanax canoa nauki añekama namanaiña axɨmanuma aɨbosixhti ui axɨna ikokoroti Tupax, ui axɨmanu sane ñakokonaukuxti, axti Noé astaiti axɨna uxia takanaintyo axɨna chuxiampɨ isamutema makiataka toxio ɨmoti uxia ñapanaunkubuti tyopiki ikokoroti Tupax.

San Mateo 24:39

Naukiche champɨti onkotɨ, iñatai axɨmanu yarusɨrɨx tyanaunx sɨromatɨ namanaiña uixh. Saneityo ñana niyekixhti tato Aɨtoxti ñoñɨnx.

San Mateo 16:27

Tyopiki axɨñɨ Aɨtoxti ñoñɨnx isekatɨ ñana aɨbu niriakaxti Tupax ichepe axɨbamaintyo ángeles, auki kaɨma toxio uiti taikiana ɨmoti taman nikuax axɨna isamutenti.

San Mateo 24:3

Auki sɨromatɨ onɨ axɨmanu yirityux Olivos. Axti Jesús tɨmonsoti, sɨromatɨ esati axɨmanuma nesaxti apóstoles nauki ankirioma peese pɨnanakiti: –Suixhanka nauki uraboi suisukarɨ auche ñana uxiane axɨna sane. ¿Isane ñana uiche atusi nayeki tato axɨnaintyo nityakɨrux ɨmo axɨna kɨx?

San Mateo 24:27

Tyopiki takana axtɨ masɨnaka kuara uixh auki tansɨrɨ ichepe nimɨmɨx, sane ñana niyekixhti tato Aɨtoxti ñoñɨnx.

San Mateo 24:30

Auki tusiu au napes axɨna uiche atusiti Aɨtoxti ñoñɨnx, taruku nixhukuxɨma ñana namanaiña mañoñɨnka ikuki axɨna kɨx auki areoroma, asaramatɨ iñemo axɨñɨ Aɨtoxti ñoñɨnx isekatɨ omonɨ kɨsaɨboka auki napes, aɨbu yarusɨrɨx nɨriakaxti.