San Mateo 24:24 - Manityanati Tupax

²⁴ Tyopiki kuamatɨ axɨbama chɨtɨpɨ Mesías axɨbamaintyo chɨtɨpɨ axɨbama profetas. Isamutema ñana ausukarɨ axɨba champɨ tamastai, oboiche autapeneka, saneityo ɨmo axɨbama samamekanama uiti Tupax.

Manitanati Tuparrü

²⁴ Cuamatito mañapanca y namatü: “Arrüñü Cristo, arrüñü rranitaca au nürirrti Tuparrü”. Urriante ito yarusürürrü señarrü uimia y milagrorrü arrüna uiche encañama ümo macrirrtianuca. Hasta rranrrüma encañama ümo bama tacümanauncunu uiti Tuparrü, arrtü puerurrüpü.

San Mateo 24:24 Referans Kwoze

San Marcos 13:22

Kuamatiki ñana axɨbama chɨtɨpɨ mesías axɨbamaintyo chɨtɨpɨ profetas. Masamunuma ñana axɨna champɨ tamastai, oboiche atachemakama ɨmo axɨbamampae sɨroma pese uiti Tupax.

San Mateo 24:11

Kuamatɨ ñana sɨrɨmanama axɨbama chɨtɨpɨ profetas, sɨrɨmanama ñana axɨbama tapenekoma uimia.

San Mateo 7:15

“Amasasai nuxia ñɨnanama axɨmanuma taruku ñapantuxɨma anunekama au nɨrixhti Tupax. Kuamatɨ aubesa takana nobixhamanka, tapɨ au nausasɨxɨma takana nuitɨmɨka nakaxɨma.

San Mateo 24:5

Tyopiki sɨrɨmanama ñana kuamatɨ au nisɨri. Namatɨ ñana: ‘Axɨñɨ tyonenti naki Mesías’, sɨrɨmanama ñana axɨbama tapenekoma uimia.

2 Pedro 3:17

Sane naukiche, masarukityaiki, tɨtusiu aume axɨna sane, amasasai nuxia, tapɨ autapeneka ui axɨbama chuxiampɨ nisɨborikixhimia nauki tapɨ apiñokotaityo napakokonaunku ɨmoti Tupax.

Apocalipsis 19:20

Axɨmanu numukianx amanapo, chepeti maniki manityanati chɨtɨpɨ ui noñemaxti Tupax maniki masamunuti axɨba champɨ tubastai sukarɨti. Axti maniki chɨtɨpɨ profeta matachemakanati ɨmoma axɨbama chebo uimia aɨro kɨtɨpɨma nikoro nɨri axɨmanu numukianx manaunumaintyo ɨmo nausɨpɨx. Auki axɨmanu numukianx chepeti maniki manityanati chɨtɨpɨ ui noñemaxti Tupax penekoma auki nisɨborikixhimia au axɨmanu narubaityu pes kauta omo axɨmanu azufre.

1 Juan 5:18

Tusiu oemo axɨbama aɨtoxti Tupax, chisamutempɨma axɨba nomɨnantɨ, tyopiki axti Aɨtoxti Tupax asaratitɨ tyakuti tapɨ tapenekoti uiti chobores.

2 Timoteo 2:19

Tapɨti Tupax sɨro uiti axɨna nityɨmox uixh chɨtaɨbɨkopɨ, axɨna kauta korobo: “Tusiu ɨmoti Yɨriabux Jesús ñakusanema axɨbama ikokoromati”, namanañaintyo axɨbama iñanuantama nɨrixhti apiñasaño pese pɨnanaki nomɨnantɨ.

San Juan 6:39

Axɨna noñemaxti naki uiche aikɨpuruñɨ, ta tapɨ anati naki ensoro xhopɨnanakiñɨ axɨbama toxioma iñemo uiti, nauki asɨborimia tato sobi au axɨmanu tyakɨrux nanenes ñana.

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

1 Pedro 1:5

Ui axɨna apikokokati Tupax, sane naukiche okɨmanati autaku ui nɨriakaxti, nauki ane maximiakatax aume sane takana nixhankaxti au axɨba kaɨma naneneka.

Gálatas 4:15

¿Kauta niyɨkɨx axɨmanu taruku naupukɨnunku? Sukanañɨ sane axtɨ anempɨ nikiubu año, apikiaɨbukiompɨ nausɨto nauki apityoximianio iñemo.

Romanos 12:18

Apiña nuxia, nauki uxia aboi aumeampatoe au nausɨboriki aɨbu namanaiña axɨbama ausɨborisapa.

Hechos 20:16

Sopisamute sane ityopikiti Pablo, tapɨ tochenkoti au Asia, chixhanxtipɨ aɨrotitɨ au Éfeso. Tyopiki xhanxti konto aiñanainti au Jerusalén ɨmo axɨmanu pukɨnunkux Pentecostés.

San Mateo 22:14

Tyopiki sɨrɨmanama axɨbama tasuru, mɨmanamantai axɨbama samamekanama.”

San Mateo 24:22

Axtɨ chɨmɨmanampɨ uiti Tupax axɨmanio naneka ñana, champɨtipɨ añekana. Ta mɨmana ñana uiti ui nikuaxɨma axɨbama samamekanama uiti.

San Mateo 24:25

Chauki tisurapoi ausukarɨ.

San Mateo 24:31

Axti kaɨma bakɨpuruti ɨmo axɨbama ángeles aɨbu yarusɨrɨx nibuxixhimia, nauki oberabarama uimia axɨbama samamekanama auki tansɨrɨ auki makiɨtɨx auki mankax aukityo nimɨmɨx, auki taman narɨkɨki napes ichepe kiatax narɨkɨkixh.

San Lucas 18:7

Saneityo, ¿ensapɨ chokɨmanatipɨ Tupax tyaku axɨbama samamekanama uiti, axɨbama mankioma pɨnanakiti au sapes au tobixhtyo? ¿Ensapɨ koboi ane nɨmochema uiti?

San Juan 4:48

Aiñumuti Jesús nuraxti: –Axaño chapikokotapɨ, axtɨ chamastaipɨ axɨba champɨ tamastai.

1 Juan 2:18

Masaɨtaiki, tyone axɨna tyakɨrux naneneka, axɨna kɨx konto ñana takɨrusu. Axaño tɨtusiu aume axtɨ tɨsaimia axɨmanu nityakɨrux kuatati ñana axti naki chuxiampɨ uiti ɨmoti Jesucristo. Sane naukiche ixhanka suraboi ausukarɨ, tɨtaboma sɨrɨmanama axɨbama chuxiampɨ uimia ɨmoti Cristo, uixh atusi oemo ta tɨsaimia axɨmanio tyakɨrux naneneka.

1 Juan 2:22

¿Ñakuti naki ñapanx? Tyonentiapae naki nanti axti Cristo chityonentipɨ Mesías.