San Mateo 23:34 - Manityanati Tupax

³⁴ Sane naukiche xhakɨpuka ñana aume axɨbama profetas, axɨbama taruku ñapanaunkuxɨma ichepe axɨbama manunekanabo. Tapɨ axaño apityabaikiama takubaxiomaintyo aboi kɨtɨpɨ kurusɨx ñana, tapɨ ɨmo makiataka amokɨsikia ɨmoma ubau sinagoga matanekanama ñana amɨnana ubau poka.

Manitanati Tuparrü

³⁴ ¡Amonsoi! Tiene que icüpuruma aume bama profetarrü ichepe bama ane ñapanauncurrüma y arrübama maestro. Pero arraño caüma apitabaiquiama, apiñacama apü curusürrü, maquiataca poborioma aboi ubau sinagoga y apitaquisünacama ubau puebluca.

San Mateo 23:34 Referans Kwoze

San Mateo 13:52

Auki nanti Jesús ɨmoma: –Axtɨ tamanti naki manunekana bakɨpukux uiti Moisés ununekanati ɨmo nɨriakax au napes, tyonenti takanati taman po'oso, omeanaki axɨba umaɨburu uiti ipiakati akaɨbuti axɨba iyebo takanaintyo axɨba nanankax.

Colosenses 1:28

Axɨsomɨ supanityaka kɨtɨpɨti Cristo, supanunekaka ɨmo namanaiña aɨbu nanaiña mapanaunkux, nauki sopityusiankanaño besɨro nausɨboriki takanati Cristo.

Hechos 13:1

Axɨpekuma axɨmanuma ikokoromati Jesús au Antioquía, abomaintyo axɨbama profetas ichepe axɨbama manunekanama: axti Bernabé, axti Simón, (axti naki nɨrixhtityo “kɨbɨsiti”), axti Lucio auki Cirene, axti Manahén, naki sunaunti ichepeti Herodes naki yɨriabuxti tɨkañe au Galilea, axtityo Saulo.

San Mateo 10:23

Axtɨ apatanekaka ñana ñɨnanama ubau poka, aupesɨbu au kiatax. Ñemanauntu sukanañɨ aume axti Aɨtoxti ñoñɨnx kusɨrɨbo ayetitɨ kɨmenu apiñanai tyakɨru nanaiña poka au Israel.

Apocalipsis 11:10

Axɨbama po'osoma iku axɨna kɨx pukɨnuñama ñana ui nikonkoxɨma. Ui nipukɨnunkuxɨma makumananama ɨmomantoe, tyopiki axɨmanuma toxɨma urapoimia noñemaxti Tupax, au ñakionkoxɨma taruku nityakisɨrɨkɨxɨma uimia.

Hebreos 11:37

Aboma axɨbama koiñoma uimia oboi kanka, chepesɨroma uimia ui sierra, koiñoma uimia ui kɨses. Makiataka amenkomantai aɨbu naibixhimia nityaki nobixhax nityakityo nukaurax. Taruku nityakisɨrɨkɨxɨma, amonkoma sucheboma, tyopiki okɨsioma ɨmoma.

1 Corintios 3:10

Axɨñɨ tyonenti naki ipiakati nuxia asamuti pox, ui noñemaxti Tupax toxio iñemo isamune axɨna nityɨmox, uiti kiatax aiñatɨnakati onɨ axɨmanu pox. Taikianati taman tari asaraiti nuxia kausane ñatɨnakakaxti,

1 Corintios 2:6

Axtɨ sane, manityaka nuipiaka aɨbuma axɨbama tɨñemanaunkuxatoe isuputaramati Tupax. Ta chɨtɨpɨ nipiakaxɨma axɨbama ikuki axɨna kɨx, champɨityo axtɨ nipiakaxɨma axɨbama ɨriatuxɨma.

Hechos 15:32

Axti Judas ichepeti Silas, axɨmanuma profetas, manityanamaintyo ɨmoma bacheboma uɨbo nipukɨnunkuxɨma axɨmanuma ikokoromati Jesús.

Hechos 14:19

Auki iñataimia axɨmanuma judíos auki Antioquía aukityo Iconio, tɨborikoma uimia makiataka. Auki yarurumati Pablo oboi kanka, au ñakionkoxɨma tɨkoiñoti uimia, ityononomati akɨ tyɨrɨpo axɨmanu tube.

Hechos 12:2

Bakɨpuruti aityabaioromati Santiago ui kɨses, yarukityoxti Kuan.

Hechos 11:27

Au axɨmanio naneneka tɨkañe aboma axɨmanuma profetas auki Jerusalén yebomatɨ au Antioquía.

Hechos 5:40

Isiukaɨ maemenkoma tatityo iyoma axɨmanuma amonkoma isiuti Jesús, kɨborioma uimia. Namatɨ ɨmoma tapɨ asioma uraboimia nɨrixhti Jesús, auki emekanama uimia.

Hechos 1:8

Tapɨ axɨñɨ ixhanka atusi nuxia aume ta kuatati ñana Espíritu Santo aukɨtɨpɨ, uiti apasutiu ñana noñemaxti Tupax nauki apanuneka sɨtɨpɨñɨ au Jerusalén, au Judea, au Samaria, au nanaiña axɨba poka iku kɨx.

San Juan 20:21

Auki nanti tatityo ɨmoma: –¡Taikiana uxia aboi aumeampatoe! Takanati Iyaɨ ikɨpurutiñɨ, saneityo axɨñɨ ikɨpukaño.

San Juan 16:2

Ipenenoma año ñana auki sinagoga, kuantionki ñana axɨmanio naneneka, axtɨ anati naki ityabairoti año au ñakionkoxti baserebioti ɨmoti Tupax.

San Lucas 24:47

au nɨrixhti urapoimia ñana sukarɨ namanaiña iku axɨna kɨx nauki ayematɨ tato esati Tupax, nauki aixhimiakati tato axɨna nomɨnantɨ uimia. Kusɨrɨboma axɨbama auki Jerusalén,

1 Tesalonicenses 2:16

axtɨ suixhanka supanuneka ɨmo axɨbama chɨtɨpɨ judíos, nauki ataesɨbumaintyo eanaki nomɨnantɨ chichebopɨ uimia suiñemo. Ui axɨna sane isamutema yarusɨrɨx nomɨnantɨ uimia. Nauki atakɨru nanaiña axɨna sane axti Tupax bakɨpuruti ñana yarusɨrɨx ityakisɨrɨkɨboma.

San Mateo 23:31

Ui axɨna sane, axañoantoe amukanaño ta nityakɨbaɨtuxɨma axɨbama uiche aityabairoma tɨkañe axɨbama profetas.