San Mateo 22:44 - Manityanati Tupax

⁴⁴ ‘Axti Yɨriabux nanti ɨmoti naki Yɨriabux iñemo: Atɨmo au niñepanauntu, chepe axtɨ iñakama axɨbama chuxiampɨ uimia aemo ñokiana napope.’

Manitanati Tuparrü

⁴⁴ Arrti Bae Tuparrü nanti ümoti Señor: “Atümo auna rrupetacuñü au nepanauncu niñe, cheperrtü bachesoiyoma sobi aesacü arrübama tüboricomantai aemo”.

San Mateo 22:44 Referans Kwoze

Hebreos 1:13

“Axti Tupax chɨnantipɨ ɨmoti taman ángel: Atɨmo au nepanaunku nichɨmo, chepe axtɨ tɨsɨroma sobi ompɨtabo napope axɨbama tɨborikomantai akuatakɨ.”

1 Corintios 15:25

Tyopiki axti Cristo yɨriabuxti chepe axtɨ axɨbama chuxiampɨ uimia ɨmoti sɨroma kiana nipopesti.

Hebreos 1:3

Tyonenti naki yarusɨrɨx nanentakaxti Tupax, tyoneantoe nakaxti Tupax naki uiche bosɨboriko nanaiña axɨba abe iku axɨna kɨx ui nɨriaka nuraxti. Naukiche tɨkicheseña nokɨtɨpɨ uiti pɨnanaki nomɨnantɨ, tɨmonsoti au nepanaunku nityɨmoxti Tupax au napes,

Hebreos 12:2

Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.

Apocalipsis 19:19

Yasakatɨ ɨmo axɨmanu numukianx chepema axɨmanuma mayɨriabuka ikuki axɨna kɨx aɨbu nesaxɨma ejército, iyoberabaramakɨ nauki aimia aɨbuti maniki anati chaku kabayux aɨbumaintyo axɨmanuma aboma chepeti.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

1 Corintios 1:2

xhakonomoka ɨmoma axɨbama ikokoromati Tupax axɨbama aboma au Corinto, axɨbama au nɨrixhti Jesucristo kurusɨoma ɨmoti Tupax, tasuruma nauki tyonema aɨtoxti tapɨ ane nipɨnatema chepe namanaiña axɨbama ñemanauntu ikokotama nuraxti Yɨriabux Jesús, tyonenti Yɨriabuxti ɨmoma takanaintyo oemo.

San Juan 20:28

Aiñumuti Tyomanxi: –¡Axɨkɨ Tupaxɨkɨ axɨkɨtyo Yɨriabuxɨkɨ iñemo!

San Lucas 19:27

Tapɨ ɨmo axɨbama tɨborikomantai suatañɨ axɨbama chixhanxɨpɨma nauki yɨriabuxɨñɨ ɨmoma, apikiasama tauna apityabaisoma sukarɨñɨ.’ ”

San Mateo 22:45

¿Kausane axti Mesías atakɨbaɨti aukiti David, tyopiki axtiatoe David nɨrixhti uiti Yɨriabux?

San Mateo 26:64

Aiñumuti Jesús nuraxti: –Sane takana axɨna ukanɨ. Sukanañɨntyo aume amasakati ñana Aɨtoxti ñoñɨnx tɨmonsoti au nepanaunkuxti naki taruku ñapanaunkuxti, niyekixhtityo tato omonɨ kɨsaɨboka auki napes.

San Marcos 16:19

Naukiche tɨchauki nuraxti aɨbuma, axti Yɨriabux Jesús kamperoti niyɨkɨxti tato au napes atɨmoti au nepanaunkuxti Tupax.