San Mateo 22:12 - Manityanati Tupax

¹² Nanti ɨmoti: ‘Churapa, ¿kausane ayetɨpo sane, chɨkuapɨtɨ obi axɨna uxia naibi?’ Axti maniki kiatax chɨmanityanatipɨ.

Manitanati Tuparrü

¹² Nanti ümoti: “¿Causane ayetüpo aübu arrüna nahibi sane? ¿Causane chacampiacapü nauqui ayetü ümo na tübübürrü?” Arrti maniqui ñoñünrrü chümanitanatipü ui nicüsorrti.

San Mateo 22:12 Referans Kwoze

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

San Mateo 20:13

Tapɨti maniki iyoche aiñumuti nuraxti maniki taman: ‘Churapa, chiñatachemakakapɨ aemo. ¿Unka tubaparikia mantukubu nikua taman nanenes nachɨkoi?

Tito 3:11

sane tusiu aemo axti maniki ñoñɨnx chauki chuxiankipɨ nisɨborikixhti ui axɨmanu nomɨnantɨ uiti tusiu ta ane nipɨnatenti.

San Mateo 26:50

Aiñumuti Jesús nuraxti: –Churapa, aiña takana axɨna nakionko. Auki axɨmanuma makiataka sɨromatɨ esati, auki aiñenomati Jesús aityomoenomati.

Romanos 3:19

Tusiu oemo nanaiña axɨmanu nantɨ Nikorox uiti Moisés, manunekana ɨmoma axɨbama ikokotama, nauki namanaiña etayoimia, sane namanaiña axɨbama ikuki axɨna kɨx uiti Tupax ñana asaraiti ɨmoma.

San Mateo 5:20

“Sukanañɨ aume, axtɨ chapasɨrɨkapɨ apisamune axɨna uxia sukarɨti Tupax, pɨnanakimia axɨbama manunekanama bakɨpukux uiti Moisés ichepe axɨbama fariseos chiyebopɨ ñana aboi amasarai nɨriakax au napes.