San Mateo 21:19 - Manityanati Tupax

¹⁹ Astaiti taman nutachens abeu kutubiux sɨrotitɨ esa, champɨ tabɨko uiti kɨtɨpɨ akasiatai nasux. Auki nanti ɨmo axɨmanu nutachens: –¡Tapɨ ananto ane umatamoebo akɨtɨpɨkikɨ! Isiukai axɨmanu higuera sɨɨbo.

Manitanati Tuparrü

¹⁹ Auqui asaratitü ümo taman suese higuera ane abeu cutubiurrü. Sürotitü esa, nirrancarrtipü atamünati nütarrü. Pero champüatai. Pururrtai nasurrü. Sane nauquiche nanti ümo: —¡Tari chanantopü ütaca tato!

San Mateo 21:19 Referans Kwoze

Tito 1:16

Namatɨ ta isuputaramati Tupax, tapɨ axɨna nisɨborikixhimia uixh atusi oemo ta chɨsanempɨ. Champɨti uxia uiti ɨmoma, chuxiampɨ nisɨborikixhimia, champɨ nanenekichema aisamunema axɨna uxia.

San Juan 15:6

Axti naki chɨsɨsiotipɨ ichepeñɨ, penekoti tyɨrɨpo takana axɨmanio niyupaka botɨsɨro nauki ameno oto pes.

San Lucas 3:9

Chaukityo, tɨtane axɨna uiche autɨsɨ soeka aɨbu nanaiña niñuxanakax. Nanaiña soeka axɨba chomixhampɨ nobɨtakax, botɨsɨro omeno oto pes.”

San Juan 15:2

Axtɨ ane taman uturuki axɨba nipiax chɨtaupɨ, tɨsɨro uiti Iyaɨ. Tapɨ axtɨ ɨtau, mokoñokono uiti nanaiña axɨba yupaka obɨtau.

San Marcos 11:14

Auki nanti ɨmo nutachens: –¡Tapɨ ananto anati basoti akɨtɨpɨkikɨ! Axɨmanuma nesaxti apóstoles onkoimia nuraxti.

Apocalipsis 22:11

Tapɨ asikia kuatati naki chuxiampɨ nisɨborikixhti tari aisamunenti axɨna chuxiampɨ. Tapɨti naki uxia nisɨborikixhti tari aisamunenti axɨna uxia, naki champɨ nomɨnantɨ uiti tapɨ chebo uiti aisamunenti nomɨnantɨ.”

SAN JUDAS 1:12

Axtɨ aboma auchepe ɨmo naupukɨnunku, ɨmo naukɨso tyakuma, tyopiki axtɨ basoma chabomaintyo, champɨ ñanaunkuxɨma. Yɨriabuxɨma nauki asaramatɨ tyakumantoe. Takana kɨsaɨboka champɨ tux oboi, bopeoratai ui makiɨtɨx. Takana soeka axɨba chobɨtaupɨ, tɨtabe tox niñokonkox bokiyauru aɨbu nanaiña niñuxanakax.

2 Timoteo 3:5

Mapañama ñana apukɨruma tyaku makiataka, tapɨ axɨna isamutema uixh atusi ta chisamutempɨma isiuki noñemaxti Tupax. Axɨmanuma sane nisɨborikixhimia tapɨ ane nɨmochema obi.

San Mateo 21:20

Naukiche astaimia axɨmanu sane, axɨmanuma nesaxti apóstoles taruku nipukɨnunkuxɨma auki ñankitioma pɨnanakiti Jesús: –¿Kausane axɨmanu higuera isiukai sɨɨbo?

San Marcos 11:20

Au axɨmanu tansɨrɨ au kiatax nanenes ikɨnomakɨ tatityo esaki axɨmanu nutachens, akamanu astaimia tɨsɨ'ɨbo aukiapae nixhanakax.