San Mateo 20:16 - Manityanati Tupax

¹⁶ “Sane ñana axɨbama kaɨma aboma tyakɨru, tyonema ñana kusɨrɨboma. Tapɨ axɨbama kaɨma kusɨrɨboma, tyonema ñana sɨroma tyakɨru.”

Manitanati Tuparrü

¹⁶ Sane te pasabo ñana: Arrübama champütiatai asaratü ümoma caüma, tonema bama cusürübo aüromatü ñana esati Tuparrü. Tapü arrübama arucapae ümoma caüma, tonema bama champü yaserebiquirrimia ñana.

San Mateo 20:16 Referans Kwoze

San Mateo 19:30

Sɨrɨmanama axɨbama kaɨma kusɨrɨboma, tyonema ñana axɨbama sɨsioma tyakɨru. Sɨrɨmanamaintyo axɨbama kaɨma aboma au nityakɨrux, tyonema ñana axɨbama kusɨrɨboma.

San Marcos 10:31

Sɨrɨmanama axɨbama kaɨma kusɨnɨtañama, tyonema ñana axɨbama kosotikimia. Axɨbama kaɨma kosotikimia, tyonema ñana axɨbama kusɨrɨboma.

San Mateo 22:14

Tyopiki sɨrɨmanama axɨbama tasuru, mɨmanamantai axɨbama samamekanama.”

San Lucas 15:7

Sukanañɨ aume saneityo taruku pukɨnunkux au napes ityopikiti naki taman chuxiampɨ nisɨborikixhti axtɨ iñokotati nomɨnantɨ pɨnanaki axɨmanuma noventa y nueve uxia nisɨborikixhimia axɨbama champɨ nɨmoche asɨkɨbɨma tato.

Romanos 9:30

¿Isanempɨ usukana oñɨ ɨmo axɨna sane? Ui axɨna ñakokonaunkuxɨma axɨbama chikokoromatipɨ Tupax uiti uxia nisɨborikixhimia, axɨbama chiyapachetiopɨma axɨna uxia.

San Mateo 7:13

“Amekosipo auki axɨna tunumusiña tyurux. Tyopiki axɨmanu tyurux ichepe kutubiux axɨba omenotɨ usaɨbu kauta axɨna chuxiampɨ bupakubaesa nuxia, sɨrɨmanama sɨromatɨ yusiuki.

Romanos 8:30

Axɨbama samamekanama uiti Tupax aukiapae tɨkañe, batasurutityo ɨmoma. Axɨmanuma batasuruti ɨmoma, uiti uxia nisɨborikixhimia, toxio uiti ɨmoma aɨromatɨ tyupekuti au napes.

San Lucas 14:24

Tyopiki sukanañɨ aume champɨti tamanti axɨpekukimia axɨmanuma kusɨrɨbo ityasuruma basoti niyasapata.’

1 Tesalonicenses 2:13

Sane naukiche, auki somoñemantoe, taikiana supachampienka ɨmoti Tupax, tyopiki naukiche suburapoi ausukarɨ axɨba omixhia manityakax, axaño apasutiu takana nuraxti Tupax, chisiupɨ nura mañoñɨnka. Ñemanauntu ta tyone nuraxti Tupax, axɨbama ikokoromati uiti besɨro nisɨborikixhimia.

Romanos 5:20

Axɨmanu bakɨpukux uiti Moisés toxio nauki aisumainkianɨ axɨmanu nomɨnantɨ. Naukiche axɨmanu nomɨnantɨ tɨsɨrɨmanax, axti Tupax ityusiankatati axɨna taruku nipukɨruxti.

San Lucas 7:47

Sane naukiche sukanañɨ aemo axɨba nomɨnantɨ uixh moximiakana tato, ityopiki taruku nisua ɨmo. Tapɨti naki chimiantai xhimiakana ɨmoti, chimiantai nisuasɨrɨkɨ ɨmoti.

San Mateo 21:31

¿Ñakuti axɨpekukimia axɨmanuma tox isamutenti axɨna nixhantɨmoti yaɨtoxɨma? –Axti maniki kusɨrɨbo–iñumutama. Auki nanti Jesús ɨmoma: –Ñemanauntu sukanañɨ aume axɨbama bakaɨburuma monixh ɨmo Roma, yochepe axɨba paɨka chuxiampɨ niyosɨborikixh, kusɨrɨboma aye uimia ñana amopɨnanaki au napes.