San Mateo 20:15 - Manityanati Tupax

¹⁵ tyopiki nimoni isamute aɨbu isiu nixhanka. ¿Axɨkɨ ubatio axɨna taruku nipukɨru?’

Manitanati Tuparrü

¹⁵ Arrüñü isamute aübu nimoni isiu arrüna nirranca. ¿Taqui ünantü aemo arrüna tarucu nibeunucu?”

San Mateo 20:15 Referans Kwoze

San Marcos 7:22

axɨbama posoma champɨ ñanaunkuxɨma ɨmomantoe, ubatioma nenaxixhti kiatax, matachemakakax, chuxiampɨ manityakax kɨtɨpɨti kiatax, champɨti xhanx isu nakaxti, au makionkox champɨti kiatax amopɨrɨkɨ axɨna chɨbesɨropɨ mapanaunkux.

San Mateo 6:23

Tapɨ axtɨ chomixhampɨ nasɨto, nanaiña nakɨtɨpɨ ane au tomikianene. Tapɨ axtɨ axɨna basarux ane akɨtɨpɨkɨ tyone axɨna tomikianene, ¡tarukapae nityomikianenekixh axɨmanu tomikianene!

San Juan 17:2

Toxio obi isɨriakaboñɨ ɨmoma namanaiña axɨbama aboma iku axɨna kɨx, nisɨriakaityo nauki axɨbama toxioma obi iñemo ane isɨborikiboma axɨna champɨ nityakɨrux.

Efesios 2:1

Tɨkañe axaño taukonka yotopiki axɨmanio chomixhampɨ apisamute oboityo axɨmanio nomɨnantɨ aboi

Efesios 1:11

Aɨbuti Cristo, uiti Tupax samamekana oñɨ aukiapae tɨkañe nauki basuriu aruki axɨmanu toxiobo uiti oemo, sane takana nixhankaxti Tupax aisamunenti, tyopiki nanaiña isamunenti auki noñemaxti.

1 Corintios 4:7

¿Ñakuti uiche yarusɨrɨxɨkɨ pɨnanaki makiataka? Nanaiña axɨba nenaxi uiti Tupax aityoximiati aemo. Axtɨ uiti aityoximiati aemo, ¿kausane onkatɨ aemoantoe, takana axtɨ obiatoe ane nenaxi?

Hechos 13:45

Naukiche axɨmanuma judíos astaimia sɨrɨmanama oberabarama, kuatɨ kiatax ñakionkoxɨma ɨnantɨ ɨmoma, sane naukiche tɨborikoma uratokioma ɨmoti Pablo.

San Mateo 11:25

Au axɨmanio naneneka, nanti Jesús sane: “Taruku nɨriaka, Iyaɨ, nenaxi nanaiña axɨna ane au napes takanaintyo axɨna kɨx, ityopiki aityusiankata sukarɨma axɨbama takisɨrɨma axɨba umanekana obi pɨnanaki axɨbama taruku nipiakaxɨma.

Santiago 5:9

Masarukityaiki, tapɨ aburakaño aboiyapatoe, nauki tapɨ ane manityomokotox aume uiti Tupax, tyopiki axti naki uiche asaraiti ñana nosɨboriki, tɨtanati abeu tyurux.

Santiago 1:18

Axti Tupax sane nixhankaxti, toxio uiti osɨborikibo oboi axɨmanio ñemanauntu nuraxti, nauki axoñɨ ukusɨrɨka yupu nanaiña axɨba nisamukuxti.

Efesios 2:5

toxio uiti osɨborikibo chepeti Cristo naukiche amonko oñɨnki okonka yotopiki axɨba nomɨnantɨ osoi. Ui nipukɨruxti Tupax axaño apasutiu maximiakatax ñome nomɨnantɨ aboi.

San Mateo 20:14

Auna ane nikuax nachɨkoi akosi tato. Axtɨ ixhanka yache ɨmoti naki kosotikiti aiñanainti ɨmo niyachɨkoi isiu takana axɨna ityoximiata aemo,