San Mateo 2:11 - Manityanati Tupax

¹¹ Auki sɨromatɨpo, asaramati maniki aɨbo anati iku kɨx aɨbu Mariax nipiakɨtoti. Bachesoiyoma auki manaunuma ɨmoti. Akamanu iyaɨbutama niñaɨbutuxɨma toxio uimia ɨmoti oro, incienso ichepe xoriokox.

Manitanati Tuparrü

¹¹ Numo süromampo besüro narrtarrüma ümoti maniqui ñaüma, anati ichepe nipiacütoti. Auqui bachesoiyoma esati y manaunuma ümoti. Yaübutama nibiaurirrimia, auqui macumananama ümoti, oro, rroriocorrü y mirra.

San Mateo 2:11 Referans Kwoze

San Lucas 2:16

Kɨxuniña nuxia niyɨkɨxɨma tabɨko uimia Mariax ichepeti Kiosen, axtityo maniki simia konokonoti kauta bubaso numukianka.

San Mateo 2:2

auki ñankitioma: –¿Kauta nakaxti ɨriatu axɨbama judíos maniki aɨbo anati iku kɨx? Axɨsomɨ sumastai nesaxti nostoñes sobekatɨ supanau ɨmoti.

Apocalipsis 19:10

Auki yachesoikia yobesa nipopesti maniki ángel, nauki xhanau ɨmoti, tapɨti nanti iñemo: “Tapɨ sane obi, tyopiki axɨñɨ yaserebikiaityo ɨmoti Tupax, takana axɨkɨ chepe axɨbama makiataka arukityaiki, axɨbama aruku nuxia ɨmoma uraboimia nuraxti Jesús. Anau ɨmoti Tupax.” Tyopiki axɨmanu manunekakax kɨtɨpɨti Jesús, tyone axɨna uiche manityanama axɨbama profetas.

San Mateo 14:33

Auki axɨmanuma amonkoma au canoa bachesoiyoma esati Jesús, namatɨ ɨmoti: –¡Ñemanauntu axɨkɨ Aɨtoxti Tupax!

Apocalipsis 5:8

Aɨbapae aiñenti axɨmanu kichonimiakax kiñoeno, axɨmanuma cuatro sɨborikoma chepe axɨmanuma veinticuatro mayɨriabuka bachesoiyoma esa axɨmanu nobixhax. Namanaiña ane nityaboxioxɨma, abetyo mekuma nichapoxɨma omixhante ui oro ubataso ui incienso, tyone axɨna neankaxɨma axɨbama champɨ nipɨnatema.

San Lucas 2:38

Nanax isiukai iñatai, machampienkana ɨmoti Tupax manityanaintyo kɨtɨpɨti maniki simia Jesús ɨmo namanaiña axɨbama xhanxɨma asaraimia nityaesɨbuku Jerusalén.

San Mateo 1:18

Axɨna naukiche anati iku kɨx Jesucristo ta sane: Mariax nipiakɨtoti tiyasutiu nuraxti Kiosen nauki apo aɨbuti. Naukiche chɨchepekipɨ nakaxɨma, tɨtanati kɨtɨpɨ ipiaɨmakax auki noñemaxti Espíritu Santo.

San Mateo 2:10

Naukiche axɨmanuma taruku ñapanaunkuxɨma astaimia axɨmanu nostoñes, taruku nipukɨnunkuxɨma.

San Mateo 12:46

Anankatiki Jesús manityanati ɨmo namanaiña, naukiche aiñanaimia nipiakɨtoti ichepe axɨbama yarukityoxti, xhanxɨma aparimia aɨbuti. Axɨma sɨsioma tyɨrɨpo,

San Juan 19:39

Axtityo Nicodemo, axti maniki au taman tobixh tɨkañe yebotitɨ anityati aɨbuti Jesús, iñataiti aɨbu treinta nipesakax axɨmanu uxiantai norixh, uxiante ui xoriokox aɨbu áloe.