San Mateo 19:5 - Manityanati Tupax

⁵ Sane nanti: ‘Sane naukiche naki ñoñɨnx onkonoti yaɨtoti uiti ichepe nipiakɨtoti nauki asaratitɨ tyaku nikɨpostoti, axɨmanuma toxɨma kaɨma takanati naki taman nakaxɨma.’

Manitanati Tuparrü

⁵ Auqui nanti Tuparrü: “Sane nauquiche arrti yaürrü iñoconotiti yaütoti y nipiacütoti nauqui aürotitü ichepe nicüpostoti. Sane nauquiche caüma tacanarrtü tamantai nacarrüma”.

San Mateo 19:5 Referans Kwoze

1 Corintios 7:4

Axɨna paɨx, axɨna nikɨtɨpɨx chɨtɨpɨ nesaxatoe, ta tyone ɨmoti ikiana, isiutityo naki ikiana, axɨna nikɨtɨpɨxti tyone ɨmo nikɨpostoti.

1 Corintios 7:2

Nauki tapɨ sɨro tyopɨ nausɨboriki, uxia axtɨ taikianati taman ane nikɨpostoti, saneityo paɨx uxia axtɨ anati ikianatoe.

Efesios 5:31

“Sane naukiche, axti ñoñɨnx onkonoma uiti axti yaɨtoti chepe nipiakɨtoti nauki sɨsioti chepe nikɨpostoti, axɨmanuma toxɨma kaɨma tyonema takanati naki kunauntañantiatai nakaxti.”

1 Corintios 6:16

¿Unka tɨtusiu aume axtɨ tamanti ñoñɨnx sɨrotitɨ chepe taman paɨx axɨna chuxiampɨ nisɨborikixh, axɨmanuma tox taman naka nikɨtɨpɨxɨma? Tyopiki nantɨ iku Nikorox: “Axɨmanuma toxɨma takana tamantiatai ñoñɨnx nakaxɨma.”

Romanos 12:9

Tari ñemanaunkuxatoe naukuasɨrɨkɨ aumeampatoe. Amekosi isiu axɨna uxia mapanaunkux.

San Mateo 19:6

Sane naukiche chɨtoxɨpɨmainki, ta kunauntañati kaɨma nakaxɨma. Saneityo naukiche axti ñoñɨnx tapɨ iñatati peese axɨna uiti Tupax sɨroma chepe nakaxɨma.