San Mateo 19:20 - Manityanati Tupax

²⁰ –Nanaiña axɨmanio chauki tisamukio–nanti maniki yaɨx–. ¿Isane axɨna sɨrotiki isamune?

Manitanati Tuparrü

²⁰ Aiñumuti maniqui yaürrü, nanti: —Enterurrü arrüba bacüpucuca icocoquio auqui maübo nisunaun. ¿Isane manrrü arrüna faltabo iñemo?

San Mateo 19:20 Referans Kwoze

Gálatas 3:24

Axɨmanu bakɨpukux tyone tɨkañe oemo tanati naki asaratitɨ tyaku masiomanka, chepe niyekixhti tato Cristo, nauki isiuki axɨna numakokonaunku uxia nosɨboriki au nastaxti Tupax.

Filipenses 3:6

Taruku niñonxɨkɨ ikoko axɨmanu bakɨpukux uiti Moisés sane naukiche tɨkañe taruku nichɨbori kuatama axɨbama ikokoromati Jesús. ¡Champɨ urapoboiboma sɨtɨpɨñɨ axɨñɨ taruku niñonxɨkɨ isamune nanaiña axɨmanu bakɨpukux uiti Moisés!

Romanos 7:9

Tɨkañe isɨborikia chisuputakaipɨ bakɨpukux uiti Moisés. Naukiche iñatai axɨmanu bakɨpukux uiti Moisés. Axɨmanu nomɨnantɨ sɨboriko tato nuxia,

San Juan 8:7

Auki ñankitioma tatityo pɨnanakiti, axti atɨraiti, nanti ɨmoma: –Axtɨ anati naki abaxɨpekuki champɨ nomɨnantɨ uiti, tari kusɨrɨboti aruruiti.

San Lucas 15:29

Nanti ɨmoti yaɨtoti: ‘Axɨkɨ tusiu aemo mantukubu naskɨbeka niyaserebiki aemo, champɨ auche chixhakokonaunkapɨ aemo, kautapɨ takumanaka iñemo tamantai nukaurama nauki ipukɨnu aɨbu axɨbama ichurapataiki.

San Lucas 15:7

Sukanañɨ aume saneityo taruku pukɨnunkux au napes ityopikiti naki taman chuxiampɨ nisɨborikixhti axtɨ iñokotati nomɨnantɨ pɨnanaki axɨmanuma noventa y nueve uxia nisɨborikixhimia axɨbama champɨ nɨmoche asɨkɨbɨma tato.

San Mateo 19:19

akuasɨrɨti aemo aɨma ichepe napakɨma, akuasɨrɨtityo aemo asɨborisapa takana nakuasɨrɨkɨ aemoantoe.’

San Mateo 19:21

Aiñumuti Jesús nuraxti: –Axtɨ axianka uxia nasɨboriki, akosi, aipiabentekasio nenaxi nikuax aityoximia ɨmo axɨbama taruku nityakisɨrɨkɨxɨma. Sane ane nenaxi au napes. Auki kaɨma ariaku isiuñɨ.