San Mateo 18:31 - Manityanati Tupax

³¹ Axɨna sane oxoneneapae ɨmo makiataka, auki sɨromatɨ uraboimia sukarɨti yɨriabux axɨna sane.

Manitanati Tuparrü

³¹ Nauquiche arrtaimia manuma maquiataca mamosoca, orronene nurria ümoma. Aüromatü uraboimia isucarüti maniqui yüriaburrü nanaiña arrüna pasabo uiti.

San Mateo 18:31 Referans Kwoze

Romanos 12:15

Aupukɨnu chepema axɨbama pukɨnuñama. Ausuche chepema axɨbama sucheboma.

Hebreos 13:3

Apakionsaño ɨmoma axɨbama aboma amanamampo, takana axtɨ axañointyo abaka amana año ichepema. Apakionsama ɨmoma axɨbama takisɨrɨma ui makiataka, tyopiki axaño chɨtusiupɨ aume axtɨ chɨsanempityo uimia ñana aume.

San Marcos 3:5

Auki asaratitɨ Jesús aɨbu nityɨborixhti ɨmo axɨmanuma amonkoma tyupekuti, aɨbuityo nisuchekixhti ityopiki champɨ nipukɨru nausasɨxɨma nanti ɨmoti maniki ñoñɨnx: –Aipesɨnaka ne'e. Axti maniki ñoñɨnx ipesɨnakatati, auki axɨmanu ne'esti uxiante tato.

San Lucas 19:41

Naukiche tɨtanati saimia Jerusalén, naukiche asaratitɨ ñome poka, areoroti Jesús tyaku,

San Lucas 14:21

Axti maniki kumanakax iñataiti tato urapoiti nanaiña sukarɨti maniki ɨmoche aserebiti. Auki axti maniki ɨmoche aserebiti tɨborikoti, nanti ɨmoti maniki kumanakax: ‘Akosi yusiu kutubiuka uturu axɨba poka, aikiasama tauna axɨbama taruku nityakisɨrɨkɨxɨma, axɨbama chasarapɨtɨ axɨbamaintyo chuxiampɨ namensɨma.’

Hebreos 13:17

Apakokonau ɨmoma axɨbama mayɨriabuka aume, tyopiki axɨma taikiana asaramatɨ autaku, tusiuityo ɨmoma ta axti Tupax astaiti ñana axɨna isamutema. Apapache nikiubu año apisamune nanaiña axɨna uxia ɨmoma, tyopiki axtɨ chɨsanempɨ aboi nanaiña champɨ nanenekiche aume.

2 Corintios 11:21

Axɨñɨ isɨsoka sukanañɨ sane, ¡axoñɨ champɨ nubasɨu sane naukiche uisamute sane! Tapɨ axtɨ makiataka champɨ ñanaunkuxɨma, saneityo sobi, axtɨ axɨna sane tyone tasukux.

San Mateo 14:9

Auki axti yɨriabux Herodes taruku nisuchekixhti. Tyopiki tɨnanti au nɨrixhti Tupax isukarɨ namanaiña axɨmanuma amonkoma ichepeti, auki bakɨpuruti nauki atoxi ɨmo.

San Mateo 18:28

“Naukiche tɨtaesɨburuti maniki kumanakax, ikuñunuti kiatax naki ebeoti simiantai ɨmoti. Eenoti uiti aityumenoti, nanti ɨmoti: ‘¡Apaka iñemo nebeki!’

San Mateo 18:30

Tapɨti kiatax chixhanxtipɨ, sɨrotitɨ aɨbuti nauki aiñamanatipo ichepe axtɨ bapakarati ɨmoti nebekixhti.

San Mateo 18:32

Auki axti maniki yɨriabux maemenkoti iyoti, nanti ɨmoti: ‘¡Champɨ napukɨru! Axɨñɨ ixhimiakata aemo nebeki iñemo tyopiki ankitio xhopɨnanakiñɨ.