San Mateo 17:25 - Manityanati Tupax

²⁵ –Unka bacheboti, –iñumutati Peru. Auki, sɨrotitɨpo Peru au axɨmanu pox, kusɨrɨboti Jesús anityati ɨmoti, nanti sane: –¿Axɨkɨ Simón, urakɨ sane? ¿Ñakusanema axɨbama pɨnanakiche akaɨbuma monixh axɨbama mayɨriabuka ikuki axɨna kɨx: pɨnanaki axɨbama po'oso o pɨnanaki axɨbama auki iche?

Manitanati Tuparrü

²⁵ Aiñumuti Pedro: —Bapacarati. Auqui aürotitüpo Pedro au manu porrü cauta anancati Jesús. Arrti Jesús cusürüboti anitati ümoti Pedro, nanti: —¿Uracü sane Simón? ¿Pünanaquiche acobürama impuestorrü bama mayüriabuca? ¿Taqui pünanaqui bama pohoso, o pünanaqui bama extranjerurrü?

San Mateo 17:25 Referans Kwoze

San Mateo 22:21

Axɨma aiñumuma nuraxti: –Nisuxti emperador. Auki nanti Jesús ɨmoma: –Apityoximia ɨmoti emperador axɨna nenaxixhti emperador, tapɨ ɨmoti Tupax nenaxɨxhti Tupax.

San Mateo 22:19

Apityusianka sukarɨñɨ monixh axɨna uiche apapaka impuesto. Ityusiankatama sukarɨti taman monixh denario,

San Mateo 22:17

Urasoi, suisukarɨ, axɨna nakionko: ¿Taki uxia supapaka monixh ɨmoti emperador romano, o chuxiampɨ?

San Mateo 3:15

Aiñumuti Jesús nuraxti: –Asiosane saneantai kaɨma, ityopiki uxia uisamune nanaiña axɨna uxia sukarɨti Tupax. Auki ikokotati Kuan.

San Mateo 17:26

Aiñumuti Peru: –Pɨnanaki axɨbama auki iche. Nantityo Jesús: –Ñemanauntu sane, axɨbama po'oso champɨ nɨmoche achema monixh.

San Lucas 20:22

¿Uxia axtɨ supapakaka ɨmoti yɨriabux romano, o chuxiampɨ?