San Mateo 16:13 - Manityanati Tupax

¹³ Naukiche iñataiti Jesús au axɨmanu kɨx Cesarea au Filipo, ñankitioti pɨnanaki axɨmanuma nesaxti apóstoles: –¿Urama sane makiataka ñakutipɨ naki Aɨtoxti ñoñɨnx?

Manitanati Tuparrü

¹³ Isiu namenrrüma iñataimia saimia manu pueblurrü nürirri Cesarea de Filipo. Acamanu arrti Jesús ñanquitioti pünanaqui bama ñanunecasarrti, nanti ümoma: —¿Uramapü sane iñemo macrirrtianuca arrüñü Ñemanauncurratoe Ñoñünrrü?

San Mateo 16:13 Referans Kwoze

San Juan 5:27

toxio uiti ɨriakaboti nauki asaraiti axɨna chuxiampɨ, ityopiki tyonenti Aɨtoxti ñoñɨnx.

San Mateo 9:6

Sane ityusiankana ausukarɨ ta axti Aɨtoxti ñoñɨnx ane nɨriakaxti iku axɨna kɨx nauki aixhimiakati nomɨnantɨ. Auki nanti ɨmoti maniki chɨpokorotipɨ: –Atɨsai, aikia nakɨru akosi tato au napo.

San Mateo 13:37

Aiñumuti Jesús nuraxɨma: “Axti maniki manati kɨtu axɨna uxia ñansaxti kɨtu tyonenti Aɨtoxti ñoñɨnx,

San Mateo 12:8

Sanentityo Aɨtoxti ñoñɨnx, ane nɨriakaxti ɨmo axɨna nanenes sabaru.

San Mateo 8:20

Aiñumuti Jesús nuraxti: –Numantureka bopo'oso kɨtu tapɨ nutaumanka ane niñosemenux, tapɨti Aɨtoxti ñoñɨnx champɨ kauta aikonokoti nityanuxti.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Hechos 7:56

Auki nanti Esteban: –¡Amasasatɨ! Yasakatɨ ɨmo napes aurɨbo, yasakatityo ɨmoti Aɨtoxti ñoñɨnx anati au nepanaunkuxti Tupax.

San Juan 12:34

Auki namatɨ ɨmoti: –¿Kausane axɨkɨ ukanɨ axti Aɨtoxti ñoñɨnx takubaxioti ñana kɨtɨpɨ kurusɨx? ¿Ñakuti maniki Aɨtoxti ñoñɨnx? Iku Nikorox nantɨ chɨkoiñotipɨ ñana Mesías.

San Marcos 10:45

Tyopiki axtityo Aɨtoxti noñɨnx chɨkuatatipɨ nauki aisamunema nanaiña ɨmoti, ta nauki aisamunenti nanaiña aityoximiatityo nisɨborikixhti ityaku namanaiña.

San Marcos 8:38

Axtɨ anati naki kɨsobotiatai ñɨnanañɨ yotopiki nisura isukarɨ axɨbama chuxiampɨ nisɨborikixhimia, champɨ ikokotama, sanentityo ñana Aɨtoxti noñɨnx kɨsoboti ñɨnanati axtɨ kuatati tato aɨbu nɨriakaxti Iyaɨ ichepe axɨbama ángeles.

San Mateo 25:31

“Axtɨ kuatati tato Aɨtoxti ñoñɨnx, anentax tyupekuti abomaintyo tyupekuti axɨbama ángeles, tɨmonsoti au yarusɨrɨx nityɨmoxti.

San Mateo 15:21

Auki sɨrotitɨ Jesús aukimanu au axɨmanu kɨx Tiro ichepe Sidón.

San Mateo 13:41

Axti Aɨtoxti ñoñɨnx bakɨpuruti ñana ɨmo axɨbama ángeles atapeonoma auki nɨriakaxti namanaiña axɨbama matapenekanama ɨmo makiataka, axɨbamaintyo chuxiampɨ nisɨborikixhimia.

San Mateo 12:32

Axti Tupax xhimiakanaintyo uiti ɨmoti naki manityanati axɨba chomixhampɨ kɨtɨpɨti Aɨtoxti ñoñɨnx. Tapɨ ɨmoti naki manityanati axɨba chomixhampɨ kɨtɨpɨti Espíritu Santo, chɨxhimiakanapɨ ɨmoti au axɨba naskɨbeka kaɨma, saneityo au axɨba naskɨbeka kuantionki.

San Juan 3:14

Saneityo takanati Moisés tɨkañe, sɨro ape uiti axɨmanu noixhobox kauta champɨ sɨborikixh, sanentityo Aɨtoxti ñoñɨnx sɨrotitɨ ape,

San Juan 1:51

Nantityo Jesús: –Ñemanauntu sukanañɨ aume axaño amastai ñana napes aurɨbo, axɨbama ángeles uiti Tupax sɨromatɨ ape kuamatɨ tatityo akɨ onɨkiti Aɨtoti ñoñɨnx.

San Mateo 12:40

Ityopiki sane takanati Jonás anankati trex naneka trextyo tobikia kɨbobi axɨmanu yarusɨrɨx nopiokox, sanentityoti Aɨtoxti ñoñɨnx, sɨsioti ñana trex naneneka trextyo tobikia kiana kɨx.

San Mateo 16:27

Tyopiki axɨñɨ Aɨtoxti ñoñɨnx isekatɨ ñana aɨbu niriakaxti Tupax ichepe axɨbamaintyo ángeles, auki kaɨma toxio uiti taikiana ɨmoti taman nikuax axɨna isamutenti.

San Mateo 16:28

Ñemanauntu sukanañɨ aume axɨpekukimia axɨbama aboma auna chɨkoiñopɨma chepe axtɨ astaimia niyekixhti tato Aɨtoxti ñoñɨnx aɨbu nisɨriakaxti.