San Mateo 15:36 - Manityanati Tupax

³⁶ auki ikianiontiño mekuti axɨmanio siete pan yochepe axɨmanio nopiokoka, akamanu machampienkanati ɨmoti Tupax, bochepesɨro uiti auki ityoximiatati ɨmoma axɨmanuma nesaxti apóstoles, uimia kaɨma toxio ɨmo namanaiña.

Manitanati Tuparrü

³⁶ Auqui iquianiontiño mecuti manio siete pan y arrümanio nopiocomanca. Machampiencanati ümoti Tuparrü, bochepesüro uiti, itorrimianiontiño ümo manuma ñanunecasarrti, nauqui rrepartibo uimia ümo namanaiña macrirrtianuca.

San Mateo 15:36 Referans Kwoze

Romanos 14:6

Axti naki iñanauntati taman nanenes, nauki anaunti ɨmoti Tupax tari iñanaunati. Tapɨti naki basoti aruki nanaiñantai, nauki anaunti ɨmoti Yɨriabux tari basoti, ityobo machampienkanati ɨmoti Tupax. Sanentityo naki chɨbasotipɨ nañes, nauki anaunti ɨmoti Yɨriabux chiñatentipɨ axtɨ machampienkanatityo ɨmoti Tupax.

San Lucas 22:19

Auki aikianti axɨmanu pan mekuti, achampienkati ɨmoti Tupax, aichepesɨnati auki aityoximiati ɨmoma, nanti: –Axɨna tyone nisɨtɨpɨ, toxiobo ɨmo nikonkox autaku. Apisamuse axɨna sane au nisɨri.

Hechos 27:35

Naukiche tɨnanti axɨna sane, aikianti Pablo mekuti taman pan, machampienkanati ɨmoti Tupax sukarɨ namanaiña, chepesɨro uiti auki basoti.

San Juan 6:11

Axti Jesús ikianiontiño mekuti axɨmanio pan, naukiche tɨmachampienkanati ɨmoti Tupax, ityoximiatati ɨmo axɨmanuma amonkoma tɨmonsoma. Saneityo uiti yupu axɨmanio nopiokoka, toxio uiti ɨmoma isiu nixhankaxɨma.

1 Corintios 10:31

Saneityo axtɨ aubaka, axtɨ auchaka, axtɨ apisamute kiatax napachɨkoi, apisamuse nanaiña ɨmo manaunkux ɨmoti Tupax.

San Juan 6:23

Auki opiñatai pikiataka canoa auki axɨmanio poka Tiberias saimia axɨmanu kauta amonkoma basoma axɨmanio pan naukiche axti Yɨriabux machampienkanati.

San Lucas 24:30

Naukiche tɨtɨmonsoma nauki a'ama, asuriuti mekuti axɨmanu pan, achampienkati ɨmoti Tupax, aichepesɨnati auki aityoximiati ɨmoma.

San Lucas 22:17

Auki aikianti mekuti taman taropes, achampienkati ɨmoti Tupax, nanti: –Apasusiu axɨna apityoximia aumeampatoe.

San Mateo 14:19

Nanti ɨmo namanaiña nauki atɨmoma onɨ naxchopɨro. Auki aikianiontiño mekuti axɨmanio cinco pan yochepe axɨmanio tox nopiokoka, asaratitɨ ape, machampienkanati bochepesɨro uiti axɨmanio pan, toxio uiti ɨmo axɨmanuma nesaxti apóstoles uimia aityoximiama ɨmo namanaiña.

San Mateo 15:35

Auki bakɨpuruti ɨmo axɨmanuma aboma akamanu nauki atɨmoma akɨ,

1 Corintios 14:16

tyopiki axtɨ axɨkɨ uxia nura kɨtɨpɨti Tupax ui nausɨpɨatai, axti naki onsapetioti neanka, champɨ nikiubuti nauki aiñumuti achepekɨ axɨmanu neanka, tyopiki chiyebopɨ uiti axɨmanu ukanɨ.