San Mateo 15:31 - Manityanati Tupax

³¹ Sane namanaiña kɨtobɨsoma nuxia ui axɨna astaimia axɨbama chɨmanityanapɨma manityanama tato, axɨbama tɨsɨro nipiaxɨma takanaityo ni'ixhimia uxiankama tato, axɨbama chuxiampɨ namensɨma amenkoma tato, axɨbama supusuma asaramatɨ tato. Aukimanu namanaiña machampienkanama ɨmoti Tupax auki Israel.

Manitanati Tuparrü

³¹ Arrümanuma macrirrtianuca cütobüsoma ui arrüna arrtaimia: Arrübama chüpuerurrüpü anitama, manitanama tato. Arrübama rrenco urrian tato namensüma. Arrübama supuso, asarama tato uiti. Sane nauquiche iñanaunumati Tuparrü, naqui Tuparrü ümo bama israelitarrü.

San Mateo 15:31 Referans Kwoze

San Mateo 9:8

Naukiche astaimia axɨna sane, namanaiña bixhubuma auki Machampienkanama ɨmoti Tupax ityopiki toxio uiti axɨna sane ɨriakabo mañoñɨnka.

San Lucas 18:43

Isiukai axti maniki supusu asaratitɨ tato, auki sɨrotitɨ isiuti Jesús omixhia nuraxti kɨtɨpɨti Tupax. Namanaiñaintyo axɨmanuma astaimia, omixhaintyo nuraxɨma kɨtɨpɨti Tupax.

San Lucas 7:16

Ui axɨna sane astaimia, namanaiña bixhubuma auki yarusɨrɨx nɨrixhti Tupax uimia, namatɨ sane: –Tamanti yarusɨrɨx profeta iñataiti auna uyaxɨpeku. Namatityo: –Axti Tupax iñataiti asaratitɨ tyakuma axɨbama aɨtoxti.

San Mateo 18:8

“Sane naukiche, axtɨ ne'e ichepe napope oboi atapeneka au nomɨnantɨ, aityɨsɨnasio arusiumpu iche apɨnanakikɨ. Uxia axtɨ iyebo obi abaityux nasɨboriki champɨ taman ne'e champɨ taman napope, tapɨ apeneka oto pes axɨna chotochebopɨ yupu tox ne'e tox napope.

San Mateo 9:33

Naukiche penekoti chobores uiti Jesús, axti maniki ñoñɨnx manityanati tato. Namanaiña, kɨtobɨsoma, namatɨ: –Champɨ tubastai au Israel takana axɨna sane.

San Juan 9:24

Axɨmanuma ɨriatuxɨma axɨbama judíos ityasurumati tatityo maniki supusuti tɨkañe, namatɨ ɨmoti: –Urasoi suisukarɨ axɨna ñemanauntu. Axɨsomɨ tusiu suiñemo axti maniki ñoñɨnx chiyaupɨ nomɨnantɨ uiti.

San Lucas 14:21

Axti maniki kumanakax iñataiti tato urapoiti nanaiña sukarɨti maniki ɨmoche aserebiti. Auki axti maniki ɨmoche aserebiti tɨborikoti, nanti ɨmoti maniki kumanakax: ‘Akosi yusiu kutubiuka uturu axɨba poka, aikiasama tauna axɨbama taruku nityakisɨrɨkɨxɨma, axɨbama chasarapɨtɨ axɨbamaintyo chuxiampɨ namensɨma.’

San Lucas 14:13

Tapɨ sane obi, axtɨ asapaka, aityasusuma axɨbama taruku nityakisɨrɨkɨxɨma, axɨbama chuxiampɨ namensɨma, ɨmo axɨbama chasarapɨmatɨ.

San Marcos 9:43

Axtɨ ui ne'e aɨkatɨ au nomɨnantɨ, aityɨsɨna. Tyopiki uxia axtɨ iyebo nasɨboriki obi aɨbu tamantai ne'e, pɨnanaki aɨrotɨ yupu tox ne'e, au infierno, kauta chotochebopɨ pes,

San Marcos 7:37

Taruku nikɨtobɨxɨma, namatɨ: “Nanaiña axɨba isamutenti omixhia. ¡Onaunxɨma tato uiti axɨbama chonaumpɨma takana axɨbamaintyo chɨmanityanapɨma!”

San Marcos 2:12

Auki kaɨma isiukai atɨraiti maniki maunxokono, asuriuti nikɨruxti sɨrotitɨ aukimanu, sukarɨ namanaiña. Sane naukiche, namanaiña kɨtobɨsoma auki omixhia nuraxɨma kɨtɨpɨti Tupax, namatɨ: –Champɨ tubastai takana axɨna sane.

San Mateo 21:14

Sɨromatɨ esati Jesús au nipo meankax axɨbama supusu axɨbamaintyo chuxiampɨ namensɨma, uxiankama tato uiti.

San Mateo 8:10

Kɨtobɨsoti Jesús naukiche onkoiti axɨna sane, nanti ɨmo axɨmanuma nesaxti apóstoles: –Ñemanauntu sukanañɨ aume champɨti naki isuputakati au nanaiña Israel takanati naki ñoñɨnx taruku ñakokonaunkuxti.

San Mateo 9:32

Naukiche axɨmanuma supusu tɨsɨromatɨ tyɨrɨpo, makiataka iñataimia esati Jesús aɨbuti kiatax naki chɨmanityanatipɨ anatityo chobores kɨtɨpɨti.

San Mateo 15:30

Taruku nububikixhimia axɨmanuma iyoberabaramakɨ akamanu kauta anankati. Sɨromatɨ aɨbu axɨbama chuxiampɨ namensɨma, aɨbu axɨbama supusu, axɨbama chɨmanityapɨma sɨrɨmanaintyo axɨbama makiataka maunxokonoma, sɨroma uimia yobesa nipopesti Jesús, uiti uxiankama tato.