San Mateo 15:22 - Manityanati Tupax

²² Taman paɨx auki Canaán, auki axɨmanu kɨx, sɨrotɨ esati, aɨbu nityosibixh: –¡Nɨriabux, Naɨto David, apukɨru ichakuñɨ! ¡Nicheche ane chobores kɨtɨpɨ uixh taruku nityakisɨrɨkɨx!

Manitanati Tuparrü

²² Taman paürrü cananearrü ananca pohoso acamanu. Cuatü esati Jesús nitosibirri, nantü ümoti sane: —¡Señor, naü nüriaburrü David, apucüru ichacuñü! Nicheche ane choborese ahu. Tarucapae nitaquisürücürrü uirri.

San Mateo 15:22 Referans Kwoze

San Mateo 9:27

Naukiche tɨniyɨkɨxti Jesús aukimanu, toxɨma axɨbama supusu sɨromatɨ isiuti, aɨbu nityosibixhimia: –¡Apukɨru suichaku, Aɨtoxti David!

San Mateo 17:15

–Axɨkɨ Yɨriabux, apukɨru tyakuti isaɨ, tyopiki konsabotiatai nantax taruku nityakisɨrɨkɨxti. Ane auche taɨbɨkoti oto pes eanaintyo tux.

San Lucas 18:13

Tapɨti maniki bakaɨburuti monixh sɨsioti iche'eña, chasaratitɨpɨ ape, ityusibiaɨrotiyɨ nanti: ‘¡Axɨkɨ Tupax, apukɨru chakuñɨ, axɨñɨ taruku nomɨnantɨ sobi!’

San Lucas 17:13

aɨbu nityosibixhimia: –¡Jesús, Maestro, apukɨru suichaku!

San Mateo 4:24

Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

San Mateo 1:1

Tyone nɨrixhimia axɨbama kusɨrɨboma aɨbuti Jesucristo, nityakɨbaɨtuxti David tyonenti nityakɨbaɨtuxti Abraham.

San Mateo 15:23

Axti Jesús chiñumutatipɨ. Auki axɨmanuma nesaxti apóstoles sɨromatɨ esati namatɨ ɨmoti asamuti nuxia: –Ukanɨ ɨmo axɨmanu paɨx tari yɨrakatɨ tato, ityopiki kuatɨ aɨbu nityosibixh usiu.

San Lucas 6:18

Iñataimia onsaperioma nuraxti Jesús nauki uxiankama tato uiti axɨba noxokoka kɨtɨpɨma. Axɨbama takisɨrɨma ui machoboreka, uxiankamaintyo tato.