San Mateo 14:27 - Manityanati Tupax

²⁷ Tapɨti Jesús manityanati ɨmoma, nanti sane: –¡Akamanatai! ¡Unka axɨñɨ: tapɨ aupixhuka!

Manitanati Tuparrü

²⁷ Au manu rratorrü arrti Jesús manitanati ümoma, nanti: —¡Tapü aupirruca, ta arrüñü, tapü ane penarrü aboi!

San Mateo 14:27 Referans Kwoze

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

Hechos 23:11

Au axɨmanu kiatax tobixh, axti Yɨriabux ityusiankanatiyɨ sukarɨti Pablo, nanti ɨmoti: “Tapɨ aixhuka Pablo, sane takana urapoi nisɨri auna Jerusalén, saneityo urasoi nisɨri au Roma.”

San Juan 6:20

Nanti ɨmoma: –¡Unka axɨñɨ, tapɨ aupixhuka!

San Mateo 17:7

Axti Jesús sɨrotitɨ esama, iñentati ne'esɨma nanti ɨmoma: –Apatɨsai. Tapɨ aupixhuka.

San Mateo 9:2

Akamanu sɨromatɨ esati Jesús aɨbuti tamanti naki chɨpokorotipɨ, barɨkɨroti iku nikɨruxti. Naukiche astaiti Jesús axɨna ñakokonaunkuxɨma, nanti ɨmoti maniki maunxokono: –Aiña nuxia, isaɨ. Axɨba nomɨnantɨ obi tɨmoximiakana tato.

San Lucas 1:30

Nanti maniki ángel ɨmo: –Mariax, tapɨ aixhuka, ityopiki axɨkɨ uxia nastaxti Tupax aemo.

San Lucas 1:13

Tapɨti ángel nanti ɨmoti: –Zacarías, tapɨ aixhuka, ityopiki onkoiti Tupax neanka, nakɨposɨ Saberax anati ñana ipiaɨmakax, axti naki aiñata ñana ɨriboti Kuan.

San Mateo 28:10

nanti Jesús ñome: –Tapɨ aupixhuka. Amekosi aburaboi sukarɨ axɨbama masarukityaiki tari yɨrakamatɨ au Galilea, akamanu asaramañɨ.

San Lucas 2:10

Nanti maniki ángel ɨmoma: “Tapɨ aupixhuka, tyopiki kuatɨ sobi axɨna uxia manityakax, axɨna uiche taruku nipukɨnunku namanaiña:

San Mateo 14:28

Auki aiñumuti Peru nuraxti: –Yɨriabux, axtɨ ñemanauntu axɨkɨ, akɨpu yɨrotɨ tanu akɨmenukɨ onɨki tux.

San Mateo 28:5

Nanti maniki ángel ñome axɨmanio paɨka: –Tapɨ aupixhuka. Tusiu iñemo apapacheka iyoti Jesús, axti maniki takubaxioti kɨtɨpɨ kurusɨx.

San Marcos 6:50

Tyopiki namanaiña asaramati auki bixhubuma. Isiukai manityanati ɨmoma, nanti sane: –¡Ariabaeta! ¡Unka axɨñɨ: tapɨ aupixhuka!

San Lucas 5:10

Amonkomaintyo akamanu chepeti Simón axɨmanuma aɨtoxti Zebedeo, axti Santiago ichepeti Kuan. Nanti Jesús ɨmoti Simón: –Tapɨ aixhuka. Aukina kaɨma akaɨbuka ui momes mañoñɨnka.

San Lucas 12:32

“Tapɨ aupixhuka, niyabu nobixhaka. Mɨmanantai año, tapɨti Uyaɨ, auki nipukɨruxti, toxio uiti aume nɨriakaxti.