San Mateo 14:23 - Manityanati Tupax

²³ Naukiche tɨsɨromatɨ tato, sɨrotitɨ Jesús onɨ taman yirityux nauki eanti tamanti. Naukiche tɨtobikia, anankati akamanu tamanti,

Manitanati Tuparrü

²³ Auqui sürotitü onü yiriturrü tamanti nauqui eanti. Tomite ümoti acamanu tamanti.

San Mateo 14:23 Referans Kwoze

San Lucas 6:12

Au axɨmanio naneneka, sɨrotitɨ Jesús onɨ axɨmanu yirityux eanti, auki maɨbo ɨtobi chepe nanenes neankaxti ɨmoti Tupax.

San Marcos 6:46

Naukiche tɨsɨromatɨ tato namanaiña, sɨrotitɨ onɨ yirityux eanti.

San Mateo 26:36

Auki sɨrotitɨ Jesús aɨbuma kauta axɨmanu nɨrixh Getsemaní, nanti ɨmoma: –Autɨmo auna, tapɨ axɨñɨ yɨkatɨ baeta ta'aiki xhea.

San Mateo 6:6

Tapɨ axɨkɨ, axtɨ eanka, akosipo au napo, aiñama tyurux auki eanka ɨmoti Aɨma tapɨ anati tusiu ɨmoti. Axti Aɨma, tusiu ɨmoti axɨna aisamute anekanatai, toxio ñana uiti aemo ityobo.

Hechos 6:4

Tapɨ axɨsomɨ chɨsopiñokotapɨ meankax ɨmoti Tupax supanunekakaityo nuraxti.

San Lucas 9:28

Yopɨrɨkɨ ocho naneneka axɨna nuraxti sane, sɨrotitɨ Jesús onɨ taman yirityux eanti, yebomatɨ ichepeti axti Peru, chepeti Santiago axtityo Kuan.

San Marcos 1:35

Tɨkuatɨ nanenes, tomikianenenki, atɨraiti Jesús sɨrotitɨ auki axɨmanio poka auki sɨrotitɨ eanti kauta kɨcheka.

San Lucas 3:21

Naukiche anankatiki Kuan maunimianati ɨmo namanaiña, ɨriotityo Jesús uiti. Naukiche meaboti, aurɨbo napes

San Lucas 5:16

Tapɨti Jesús sɨrotitɨ iche'eña axɨna kauta kɨcheka.

San Lucas 9:18

Taman nanenes anankati Jesús meaboti tamanti, axɨmanuma nesaxti apóstoles, ñankitioti pɨnanakimia: –¿Urama sane makiataka iñemo isane niyaka ɨmoma?