San Mateo 14:13 - Manityanati Tupax

¹³ Naukiche tɨtusiu ɨmoti Jesús, sɨrotitɨ aukimanu kunauntañati, au taman canoa, axɨna kauta kɨcheka. Tapɨ makiataka tusinaunku ɨmoma sɨromatɨ auki nanaiña axɨmanio tube isiuti auki akɨ.

Manitanati Tuparrü

¹³ Nauquiche tütusio ümoti Jesús, sürotitü iche auquimanu tamanti au taman barco auna cauta champü macrirrtianuca. Numo tipiatema manuma macrirrtianuca auqui manio puebluca, süromatü isiuti abeuqui manu turrü, acü süromatü.

San Mateo 14:13 Referans Kwoze

San Mateo 12:15

Naukiche tɨtusiu ɨmoti Jesús, sɨrotitɨ aukimanu, sɨrɨmanama sɨromatɨ isiuti. Uxiankama tato uiti Jesús sɨrɨmanama axɨbama maunxokonoma,

San Mateo 10:23

Axtɨ apatanekaka ñana ñɨnanama ubau poka, aupesɨbu au kiatax. Ñemanauntu sukanañɨ aume axti Aɨtoxti ñoñɨnx kusɨrɨbo ayetitɨ kɨmenu apiñanai tyakɨru nanaiña poka au Israel.

San Mateo 14:12

Iñataimia axɨmanuma amonkoma isiuti Kuan, sɨrotɨ uimia nikɨtɨpɨxti aiñama kɨtu. Auki sɨromatɨ uraboimia sukarɨti Jesús.

San Marcos 1:35

Tɨkuatɨ nanenes, tomikianenenki, atɨraiti Jesús sɨrotitɨ auki axɨmanio poka auki sɨrotitɨ eanti kauta kɨcheka.

San Lucas 4:42

Naukiche tɨtaneneka, sɨrotitɨ Jesús auki axɨmanio poka, axɨna kauta kɨcheka. Tapɨ axɨbama makiataka yapacherioromati, iñataimia kauta anankati. Xhanxɨmampɨ sɨsioti ichepema, tapɨ sɨrotitɨ,