San Mateo 13:36 - Manityanati Tupax

³⁶ Naukiche tɨmasamunuti Jesús nariox ɨmo namanaiña sɨrotitɨpo au taman pox, akamanu axɨmanuma nesaxti apóstoles sɨromatɨ esati ankirioma pɨnanakiti isane nɨmoche axɨmanu machepekatax kɨtɨpɨ axɨmanu chuxiampɨ naxchopɨro au ñanaunx.

Manitanati Tuparrü

³⁶ Auqui arrti Jesús masamunuti nariorrü ümo macrirrtianuca. Sürotipo au taman porrü. Acamanu arrübama ñanunecasarrti cuamatü esati y namatü ümoti: —Urasoi suisucarü, isane nümoche arrümanu machepecatarrü, narrüchopüro au ñanaunrrü.

San Mateo 13:36 Referans Kwoze

San Marcos 8:9

Axɨmanuma basoma nububikixhimia saimia ɨmo cuatro mil. Auki nanti Jesús ɨmoma aɨromatɨ tato au nipoxɨma,

San Marcos 7:17

Naukiche onkonoma uiti Jesús sɨrotitɨpo au taman pox, axɨbama nesaxti apóstoles ñankitioma pɨnanakiti axɨna sane ñanunekakaxti.

San Marcos 6:45

Pɨrɨkɨ nanaiña axɨna sane, bakɨpuruti Jesús ɨmo axɨmanuma nesaxti apóstoles nauki aɨromatɨ au canoa akusɨrɨma pɨnanakiti, aityompɨkama axɨmanu narubaityu tux niyɨkɨx au Betsaida, tapɨti bakɨpuruti tato ɨmo namanaiña.

San Mateo 13:11

Aiñumuti Jesús nuraxɨma: “Axaño, tusiankana ausukarɨ uiti Tupax, axɨna nɨriakax ane au napes axɨna ananka anekana, tapɨ axɨma anekana pɨnanakimia.

San Mateo 13:1

Au axɨmanuinki nanenes sɨrotitɨ Jesús auki nipoxti atɨmoti abeu axɨmanu narubaityu tux.

San Mateo 9:28

Naukiche tɨsɨrotitɨpo Jesús au axɨmanu pox, axɨmanuma supusu kuamatɨ esati, ankirioti pɨnanakimia: –¿Apikokota axɨñɨ isamute axɨna sane? –Sopikokota, Yɨriabux–iñumutama nuraxti.

San Mateo 15:39

Auki bakɨpuruti Jesús tato ɨmo namanaiña, tapɨ axti sɨroti au taman canoa sɨrotitɨ ɨmo axɨmanu kɨx Magadán.

San Mateo 14:22

Auki bakɨpuruti Jesús ɨmo axɨmanuma nesaxti apóstoles aɨromapo au taman canoa, nauki akusɨrɨma aityompɨkama axɨmanu narubaityu tux pɨnanakiti, tapɨti bakɨpuruti tato ɨmo axɨmanuma amonkoma esati.

San Marcos 4:34

Champɨ axɨna urapoiti sukarɨma chisiukipɨ machepekatax, tapɨ ɨmoma axɨbama nesaxti apóstoles axtɨ tamanti aɨbuma urapoiti nanaiña sukarɨma.

San Mateo 13:18

“Amonsapesio nuxia, axɨna nantɨ machepekatax kɨtɨpɨti maniki manati kɨtu:

San Mateo 13:25

Naukiche namanaiña amonkoma manumuma, iñataiti naki chuxiampɨ uiti ɨmoti, sɨro kɨtu uiti axɨna chuxiampɨ eana niyakiyoxti auki sɨrotitɨ.