San Mateo 12:46 - Manityanati Tupax

⁴⁶ Anankatiki Jesús manityanati ɨmo namanaiña, naukiche aiñanaimia nipiakɨtoti ichepe axɨbama yarukityoxti, xhanxɨma aparimia aɨbuti. Axɨma sɨsioma tyɨrɨpo,

Manitanati Tuparrü

⁴⁶ Nauquiche anancatiqui Jesús manitanati ümo genterrü, auqui iñatai nipiacütoti ichepe bama yaruquitorrti. Arrüma süsioma türüpo, rranrrüpüma aparimia aübuti.

San Mateo 12:46 Referans Kwoze

San Mateo 13:55

¿Chɨtɨpɨ aɨtoxti maniki masamunuti tɨmoka, chɨtɨpɨ Mariax nipiakɨtoti? ¿Chɨtɨpɨ axti yarukityoti Santiago, Kiosen, Simón axtityo Judas,

San Juan 2:12

Yopɨrɨkɨ nanaiña axɨba sane sɨrotitɨ au Cafarnaúm, ichepe nipiakɨtoti, axɨbama yarukityoxti axɨbamaintyo nesaxti apóstoles. Akamanu amonkoma sɨrɨmana naneneka.

San Juan 7:5

Axɨmanuma yarukityoxtiatoe champɨ pariu axtɨ ikokoromati.

San Juan 7:3

axɨmanuma yarukityoxti Jesús namatɨ ɨmoti: –Tapɨ asikia auna. Akosi au Judea, nauki axɨmanuma aboma asiukɨ auki ta'a asaraimia axɨna aisamute.

Hechos 1:14

Namanaiña yacheataxɨma aiyoberabaramakɨ nauki eama yochepe paɨka, aɨbu Mariax, nipiakɨtoti Jesús, ichepetyo axɨmanuma yarukityoxti.

San Marcos 6:3

¿Chɨtyonentipɨ carpinterux naki, naɨto Mariax, yarukityoxti Santiago, axti Kiosen, axti Judas axtityo Simón? ¿Axɨba nikiastyoti bopo'oso auna uyaxɨpeku? Chikokoromatipɨ.

Gálatas 1:19

Chiyasakapɨma axɨmanuma makiataka apóstoles, kunauntañantiatai Santiago yasakati yarukityoxti Yɨriabux Jesús.

1 Corintios 9:5

Nauki anentyo paɨx suisiu axɨna ikokoroti Jesús, sane takana makiataka axɨbama apóstoles, axɨbamaintyo yarukityoxti Yɨriabux Jesús, axtityo Cefas.

San Juan 7:10

Naukiche tɨsɨromatɨ axɨmanuma yarukityoxti, sɨrotitityo Jesús ɨmo axɨmanu pukɨnunkux, anekanatai niyɨkɨxti.

San Lucas 2:48

Naukiche axɨbama yaɨtoti asaramatɨ ɨmoti, kɨtobɨsoma. Nantɨ nipiakɨtoti ɨmoti: –Nisaɨma, ¿kausane sane obi suiñemo? Naɨma ichepeñɨ ananka somɨ supapacheki akɨ aɨbu suisucheki.

San Lucas 8:10

Nanti ɨmoma: “Aume toxio uiti Tupax nauki ausuputario axɨba champɨ tamastai au nɨriakaxti. Tapɨ ɨmo makiataka xhanityaka oboi machepekataka, sane naukiche tai asaramatɨ ta champɨ astaimia, onkoimia champɨ iyebo uimia.

San Marcos 2:21

“Champɨti naki ikoñokotati nanankatu naibixhti aɨbu maxupaxiankatax iyebo, ityopiki axɨna iyebo nixupaxixh iñɨnanɨ kiopɨro uixh axɨmanu nanankax, axɨna kaɨma nikiopɨtux arubaesa.

San Juan 2:5

Tyone nantɨ ɨmo axɨmanuma amonkoma basaparama: –Apisamuse nanaiña axɨna nantɨ aume.

San Lucas 2:33

Axti yaɨtoti ichepe nipiakɨtoti Jesús sɨsioma aɨbu nikɨtobɨxɨma oboi nuraxti Simeón kɨtɨpɨti maniki simia.

San Juan 2:1

Yopɨrɨkɨ trex naneneka ane tɨbɨbɨx au Caná, axɨmanu tube ane au Galilea. Nipiakɨtoti Jesús ananka akamanu,

San Lucas 2:51

Aukimanu sɨrotɨ tato ichepema au Nazaret, kauta sɨsioti ichepema aɨbu ñakokonaunkuxti au nanaiña ɨmoma. Nipiakɨtoti iñaɨbuta nanaiña axɨna sane au nityusixh.

San Mateo 2:20

“Atɨsai, aikiasti maniki simia ichepe nipiakɨtoti, asɨkɨbɨtato au Israel, tyopiki chauki tɨkoiñoma axɨmanuma xhanxɨma aityabairomati maniki simia.”

San Mateo 2:11

Auki sɨromatɨpo, asaramati maniki aɨbo anati iku kɨx aɨbu Mariax nipiakɨtoti. Bachesoiyoma auki manaunuma ɨmoti. Akamanu iyaɨbutama niñaɨbutuxɨma toxio uimia ɨmoti oro, incienso ichepe xoriokox.

San Mateo 1:18

Axɨna naukiche anati iku kɨx Jesucristo ta sane: Mariax nipiakɨtoti tiyasutiu nuraxti Kiosen nauki apo aɨbuti. Naukiche chɨchepekipɨ nakaxɨma, tɨtanati kɨtɨpɨ ipiaɨmakax auki noñemaxti Espíritu Santo.

San Juan 19:25

Saimia ɨmo nikurusɨxti Jesús ananka nipiakɨtoti, ichepe narukixh Mariax, nikɨpostoti Cleofás, anankaityo Mariax Magdalena.

San Lucas 1:43

¿Isane niyaka, nauki ayekatɨ asarañɨ nipiakɨ Nɨriabux iñemo?

San Mateo 12:47

tamanti urapoiti sukarɨti Jesús: –Napakɨma ichepe axɨbama arukityaiki aboma akamanu tyɨrɨpo, xhanxɨma aparimia aɨbukɨ.

San Lucas 2:34

Auki kurusɨoma uiti Simeón, nantityo ɨmo Mariax, nipiakɨtoti Jesús: –Asasatɨ, maniki simia samamekanati aisamunenti nauki sɨrɨmanama auki Israel atapenema o atɨraimia. Tyonenti ñana naki uiche atusi ta sɨrɨmanama axɨbama chuxiampɨ ɨmoma,