San Mateo 12:12 - Manityanati Tupax

¹² Sane ¡tamanti ñoñɨnx taruku nikuaxti pɨnanaki taman nobixhax! Sane naukiche, chebo oemo uisamune axɨna uxia au nanenes sabaru.

Manitanati Tuparrü

¹² Arraño tusio nurria aume que manrrtai nicuarrti ñoñünrrü pünanaqui taman nobirrarrü. Sane nauquiche urria uisamune arrüna urria au nanenese nesa macansacarrü.

San Mateo 12:12 Referans Kwoze

San Mateo 6:26

Amasasatɨ ñome nutaumanka axɨba bupasoro auki ape: chupankɨturupɨ champɨ niyupakiyox, champɨityo kauta apiñaɨbu niyupakiyox. Chabeataipɨ, axti Aubaɨ naki anati au napes, basaparati ñome. ¡Axaño taruku naukuasɨrɨkɨ ñopɨnanaki axɨmanio nutaumanka!

San Lucas 6:9

auki nanti Jesús ɨmo axɨmanuma makiataka: –Xhankiriora amopɨnanaki: ¿Isane chebo oemo uisamune au axɨna nanenes sabaru: axɨna uxia o axɨna chuxiampɨ? ¿Oñokɨma tyaku nosɨboriki o uiñamesoko?

San Marcos 3:4

Auki kaɨma ñankitioti pɨnanaki makiataka: –¿Isane chebo uisamune au nanenes sabaru: axɨna uxia o axɨna chuxiampɨ? ¿Oñokɨma tyaku sɨborikixh o uiñamesoko? Axɨma sɨsioma chɨmanityanapɨma.

San Mateo 10:31

Sane naukiche tapɨ aupixhuka: ityopiki axaño taruku naukua ñopɨnanaki sɨrɨmana nutaumanka.

San Lucas 12:24

Amasasatɨ ñome noxɨrɨka: chupankɨturupɨ, champɨityo kauta apiñaɨbu niyupakiyox. Chabeataipɨ, axti Tupax basaparati ñome. ¡Axaño taruku naukuasɨrɨkɨ ñopɨnanaki nutaumanka!

San Lucas 14:1

Au axɨmanu nanenes sabaru sɨrotitɨ Jesús a'ati au nipoxti maniki yɨriabux fariseo, tapɨ axɨmanuma makiataka fariseos amonkoma astayomatɨ ɨmoti.