San Mateo 10:19 - Manityanati Tupax

¹⁹ Axtɨ ityoximianama año meku mayɨriabuka, tapɨ amonxɨka yubapa axɨba aburapoboibo, kausane amukanaño, ityopiki axtɨ apanityaka ñana, toxio uiti Tupax aburapoboibo.

Manitanati Tuparrü

¹⁹ Arrtü itorrimianama año mecu bama mayüriabuca, tapü ane nümoche aboi iyo arrüna apanitacabo o arrüna aburapoboibo isucarüma. Au manu nanenese ñana torrio aume uiti Bae Tuparrü arrüna apanitacabo.

San Mateo 10:19 Referans Kwoze

2 Timoteo 4:17

Tapɨti Yɨriabux Jesús anankati chepeñɨ uiti aruku nuxia iñemo, sane naukiche surapoi axɨba omixhia manityakax, nauki namanaiña axɨbama chɨtɨpɨ judíos onkoimia. Sane uiti Yɨriabux Jesús añekanañɨ pɨnanaki nuitɨmɨx,

San Lucas 12:11

“Axtɨ emekatɨ uimia ubau sinagoga, esa mayɨriabuka, axɨbama uiche asaraimia aume, tapɨ amontarabeka iyo axɨna aburapoboibo,

Santiago 1:5

Axtɨ anati naki abaxɨpekuki champɨ nipiatɨmoti, tari ankirioti pɨnanakiti Tupax, toxio uiti ɨmoti. Tyopiki axti Tupax toxio uiti ɨmo namanaiña champɨ nɨmoche uiti ñakuti naki ɨmoche aityoximiati kausaneityo nakaxti.

San Mateo 6:31

Sane naukiche, tapɨ taruku namonxɨkɨ, apankitio amopɨnanakiapatoe: ‘¿Isanempɨ uñutuburibo?’ ‘¿Isanempityo otɨpobo?’ ‘¿Isanempɨ usaibibo?’

San Mateo 6:25

“Sane naukiche, sukanañɨ aume: Tapɨ amonxɨka iyo axɨna amutuburibo axɨnaintyo autɨpobo nauki ausɨborikia, iyoityo axɨna abaibibo. Axɨna nausɨboriki taruku nikuax pɨnanaki axɨna amutuburibo, axɨnaintyo naukɨtɨpɨ pɨnanaki axɨna abaibibo.

Filipenses 4:6

Tapɨ amonxɨka yubapa axɨba ausɨratai, apityusiankasio nanaiña sukarɨti Tupax auki nameanka. Apanki pɨnanakiti apachampienkaityo ɨmoti.

Hechos 6:10

Champɨti naki uiche etayoiti ityopiki manityanati ui ñapanaunkuxti Espíritu Santo.

San Mateo 6:34

Tapɨ taruku namonxɨkɨ iyo axɨna nanenes tyubaka, ityopiki tyubaka kuatɨ uixh kiatax bachɨkoboibo. Taikiana taman nanenes kuatɨ aɨbu chɨtamampatai bachɨkoboibo.

San Mateo 10:18

ikianamaintyo ñana esa axɨbama chiyaupɨ nɨriakaxɨma ichopikiñɨ. Sane apityusianka sukarɨma ta yaka auchepe sukarɨmaintyo axɨbama chɨriopɨma.

San Lucas 12:12

ityopiki axtɨ iñatai aume nauki apanitya, axti Espíritu Santo iñununekanati año isane axɨna aburapoboibo.”