San Marcos 7:5 - Manityanati Tupax

⁵ Sane naukiche, axɨmanuma fariseos ichepe axɨmanuma manunekanama ɨmo bakɨpukux uiti Moisés ñankitioma pɨnanakiti: –¿Kausane axɨmanuma aesa apóstoles chisamutempɨma takana axɨbama kusɨrɨbo tɨkañe, axtɨ basoma chɨmentunumiopɨma?

Manitanati Tuparrü

⁵ Arrübama fariseorrü ichepe bama manunecana nüriacarrü ñanquitioma pünanaquiti Jesús: —¿Causane arrübama anunecasa chicocotapüma yacüpucu bama antiburrü tücañe? Basoma aübu nentuquirrimia.

San Marcos 7:5 Referans Kwoze

2 Tesalonicenses 3:6

Masarukityaiki supakɨpuka aume au nɨrixhti Yɨriabux Jesucristo, nauki apiñanaño pese pɨnanaki axɨbama usarukityaiki chuxiampɨ nisɨborikixhimia, axɨbama chixhanxɨpɨma aisamunema nisɨborikixhimia isiuki axɨna supanunekaka aume.

Hechos 21:21

Urapoimiaintyo sukarɨma ta axɨbama judíos po'osoma au kiatax kɨx, axɨkɨ anunekaka ɨmoma tapɨ ikokotama axɨmanu bakɨpukux uiti Moisés, ukanɨntyo ɨmoma tapɨ circuncidaboma aɨtoxɨma uimia, tapɨ isamutema axɨna supacheata sopisamune.

Gálatas 1:14

Auki axɨmanu ikokota chepema axɨbama judíos, champɨti iyebo uiti takana axɨñɨ axɨbama isunaunsapa, tyopiki axɨñɨ isamukio nanaiña axɨba yacheataxɨma aisamunema axɨbama iyaɨtaiki.

Hechos 21:24

Akosi aɨbuma, aikiaɨbu nomɨnantɨ akɨtɨpɨkikɨ ichepema, ache monixh ɨmoma nauki atapakimia. Sane namanaiña astaimia ta chiñemanauntupɨ axɨmanu namatɨ sukarɨma akɨtɨpɨkɨ, axɨkɨtyo aikokota axɨmanu bakɨpukux.

San Mateo 15:2

–¿Kausane axɨbama aboma asiukɨ chisamutempɨma axɨna niyacheataxɨma aisamunema tɨkañe axɨbama kusɨnɨtaña? ¿Kausane chisamutempɨma axɨna nubacheata kusɨrɨbo oñentunumi axtɨ ubaka?

Romanos 4:12

Axti Abraham tyonentityo yaɨtoxɨma axɨbama tɨcircuncidaboma, sɨsioma aɨbu ñakokonaunkuxɨma axɨbama uyaɨtaiki tɨkañe, axɨna ñakokonaunkuxti aukiapae naukiche tɨkañe chɨcircuncidabotikipɨ.

2 Tesalonicenses 3:11

Sopipiate ta aboma abaxɨpeku axɨbama chixhanxɨpɨma ane niyachɨkoimia, naneneka champɨ niyachɨkoimia.

San Marcos 7:8

Tyopiki axaño apiñokota yakɨpukuxti Tupax, yakɨna amenotɨ isiu nisɨboriki mañoñɨnka.

San Marcos 7:9

Nantityo ɨmoma: –Axaño tapɨ onkono aboi axɨna napacheata apisamune, apiñata tyopɨ yakɨpukuxti Tupax.

San Marcos 7:13

Sane apiñakio pe'ese nuraxti Tupax oboi axɨmanio napacheata apisamune auki omenotityo ɨmo axɨbama kuamatiki ausiu. Sɨrɨmanainki pikiataka apisamukio tyoneantoe nubakax.