San Marcos 16:1 - Manityanati Tupax

¹ Tɨsɨrotɨ axɨmanu nanenes sabaru, Mariax Magdalena ichepe nipiakɨtoti Santiago ichepetyo Salomé iyebo oboi axɨmanu uxiantai norixh axɨna uiche apisema nikɨtɨpɨxti Jesús.

Manitanati Tuparrü

¹ Pasao manu nanenese nesa macansacarrü (sabaro). Nauquiche tüsüro cütu surrü, María Magdalena ichepe nipiacütoti Jacobo y Salomé pacomporara perfume, arrüna uiche apisema nicunturrti Jesús.

San Marcos 16:1 Referans Kwoze

San Lucas 23:56

Naukiche nomekixh tato au niyopox, opikoñokota axɨba omixhantai noborixh. Axɨmanio paɨka champɨ yupachɨkoi au axɨmanu nanenes sabaru, takana axɨna nantɨ bakɨpukux.

San Marcos 15:40

Amonkio akamanu paɨka mastayotɨ auki icheatai. Akamanu yochepe ananka Mariax Magdalena, ichepe Mariax nipiakɨtoti Santiago naki simiantiki pɨnanakiti Kiosen axtityo Salomé.

San Juan 19:31

Axɨmanu nanenes tɨkañe viernes kɨmenu nuxia axɨmanu Paxkua, axɨmanuma ɨriatu axɨmanuma judíos chixhanxɨpɨma sɨsio axɨba nikɨtɨpɨxɨma yokɨtɨpɨ kurusɨka au axɨmanu nanenes sabaru, ityopiki axɨmanu nanenes sabaru taruku ñanaunkuxɨma ɨmo. Sane naukiche namatɨ ɨmoti Pilato akɨputi nauki aiñaneoma nityapaxɨma axɨmanuma amonkoma yokɨtɨpɨ kurusɨka nauki aikiaɨbuma nikɨtɨpɨxɨma aukimanu.

San Juan 19:25

Saimia ɨmo nikurusɨxti Jesús ananka nipiakɨtoti, ichepe narukixh Mariax, nikɨpostoti Cleofás, anankaityo Mariax Magdalena.

San Marcos 16:8

Auki axɨmanio paɨka kuantio tato tyɨrɨpo auki nikɨxti aɨbu niyopesɨbux, amonkio mupaichokonono, bupixhubu. Champɨti sukarɨche uburapoi, ui niyopixhukux. [

San Marcos 15:47

Mariax Magdalena ichepe Mariax nipiakɨtoti Kiosen, umasaratɨ kauta aiñanamati.

San Marcos 14:8

Axɨna paɨx isamute nanaiña axɨna ane uixh: kusɨnɨtaña aiyarapa sɨtɨpɨñɨ axɨna uxiantai norixh ɨmo ñana niyɨkɨ kɨtu.

San Marcos 14:3

Axti Jesús yebotitɨ au Betania, au nipoxti Simón, nɨrixhti uimia leproso. Anankatiki tɨmonsoti, iñatai taman paɨx ane uixh axɨmanu koñoxtai norixh nardo champɨ ane eana, chiyaupɨ nikuax. Auki aiyarapa ityati Jesús axɨmanu koñoxtai norixh.

San Lucas 23:54

Axɨmanu nanenes nesa nikoñokokox ɨmo sabaru, chauki tɨniyɨkɨx aisamunema.

San Marcos 15:42

Axɨmanu nanenes nesa makoñokokox, kɨmenu axɨmanu kiatax nanenes sabaru, chauki tɨtɨmɨmɨka.

San Marcos 16:2

Au axɨmanu kusɨrɨbo nanenes ɨmo axɨmanu semana omenotɨ tansɨrapae esa axɨmanu nikɨxti, aɨbapae ane ape sux,

San Lucas 24:1

Au axɨmanu kusɨrɨbo nanenes ɨmo semana omenotɨ tatityo au nikɨxti tansɨrapae, omenotɨ oboi axɨmanio omixhantai noborixh niñusamukux.