San Lucas 9:45 - Manityanati Tupax

⁴⁵ Tapɨ axɨma chiyebopɨ uimia axɨna nanti ɨmoma, tyopiki chɨtoxiokipɨ ɨmoma nauki aye uimia. Uɨboiki bixhubuma ankirioma pɨnanakiti Jesús nauki uraboiti nuxia sukarɨma.

Manitanati Tuparrü

⁴⁵ Pero arrübama ñanunecasarrti chiyebopü uimia isane ümoche arrüna nanti. Champürrtü tütorrio ümoma nauqui entienderrüma. Birrubuma anquirioma pünanaquiti.

San Lucas 9:45 Referans Kwoze

San Lucas 18:34

Axɨma chiyebopɨ uimia, chɨtusiupityo ɨmoma isane nɨmoche axɨna nuraxti, chɨtoxiopɨ ɨmoma nauki aye uimia.

San Juan 12:16

Aukiapae aɨbo, axɨmanuma apóstoles chɨtusiupɨ ɨmoma isane axɨna sane. Naukiche tɨtusiu axɨna niyarusɨrɨkɨxti Jesús, auki akionomakɨ nanaiña axɨna sane isamutema ɨmoti ananka korobo iku Nikorox.

San Lucas 2:50

Tapɨ axɨma chɨtusiupɨ ɨmoma axɨna nuraxti.

San Marcos 9:32

Axɨma chisɨropɨ au ñakionkoxɨma axɨna nanti ɨmoma, ta bixhubuma ankirioma pɨnanakiti.

San Juan 14:5

Tapɨti Tyomanxi nanti ɨmoti: –Axɨkɨ Yɨriabux, chɨtusiupɨ suiñemo kauta naɨkɨ, ¿kausane atusi suiñemo axɨmanu kutubiux?

San Juan 12:34

Auki namatɨ ɨmoti: –¿Kausane axɨkɨ ukanɨ axti Aɨtoxti ñoñɨnx takubaxioti ñana kɨtɨpɨ kurusɨx? ¿Ñakuti maniki Aɨtoxti ñoñɨnx? Iku Nikorox nantɨ chɨkoiñotipɨ ñana Mesías.

San Marcos 9:10

Sane naukiche champɨti manityana axɨpekukimia, tapɨ axɨma ñankitioma pɨnanakimiantoe kausanempɨ axɨrabotɨ sane asɨboriti tato.

San Mateo 16:22

Auki axti Peru aikianati Jesús peese, nanti ɨmoti: –¡Tapɨ sane nixhankaxti Tupax, Yɨriabux, tapɨ uxiante aemo axɨna sane!

San Lucas 9:46

Auki axɨbama nesaxti apóstoles ñankitioma pɨnanakimiantoe ñakutipɨ naki taruku nɨriakaxti.

San Mateo 17:22

Naukiche sɨromatɨ chepema au axɨmanu kɨx Galilea, nanti Jesús ɨmoma: –Axti Aɨtoxti ñoñɨnx toxioti ñana meku mañoñɨnka,

San Juan 4:33

Axɨmanuma nesaxti apóstoles ñankitioma pɨnanakimiantoe: –¿Taki anati naki makanati tauna utuburiboti?